,
დაცული ტერიტორიების სააგენტო საქართველოს ეროვნული პარკების სახასიათო გმირის (მასკოტი) შესაქმნელად ღია კონკურსს აცხადებს.
კონკურსის მიზანია შეიქმნას პერსონაჟი, რომელიც გააძლიერებს ეროვნული პარკების ბრენდს, გააღრმავებს გარემოსდაცვით ცნობიერებას და წაახალისებს ეკოტურიზმს.
გმირი, რომელიც შესაძლოა იყოს როგორც რეალური ცხოველი, ისე გამოგონილი პერსონაჟი, სხვადასხვა არხის მეშვეობით საზოგადოებას მიაწვდის ინფორმაციას ბუნების შესახებ, შთააგონებს მის დაცვას და ხელს შეუწყობს პარკებისადმი ინტერესის ზრდას, განსაკუთრებით ახალგაზრდებში.
კონკურსში მონაწილეობა შეუძლიათ როგორც ინდივიდუალურ დიზაინერებსა და ილუსტრატორებს, ასევე გუნდებს (არაუმეტეს 3 წევრი), პროფესიული გამოცდილებისა და ასაკის მიუხედავად.
განაცხადების მიღება: 20 მაისი – 15 ივნისი. მთავარი პრიზი: 20,000 ლარი.
ინფორმაციას დაცული ტერიტორიების სააგენტო ავრცელებს.
ამერიკის შეერთებული შტატების გარეშე ნატო ქაღალდის ვეფხვია, - ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
„შეერთებული შტატების გარეშე ნატო ქაღალდის ვეფხვია! მათ არ უნდოდათ ბრძოლაში ჩართვა ბირთვულად შეიარაღებული ირანის შესაჩერებლად. ახლა, როდესაც ბრძოლა სამხედრო ძალებით მოგებულია, მათთვის ძალიან მცირე საფრთხით, ისინი ნავთობის მაღალ ფასებზე წუწუნებენ, რომლის გადახდაც უწევთ, მაგრამ არ სურთ ჰორმუზის სრუტის გახსნაში დახმარება, მარტივ სამხედრო მანევრში, რაც ნავთობზე მაღალი ფასების ერთადერთი მიზეზია.
რამდენად მარტივია მათთვის ამის გაკეთება, ასეთი მცირე რისკით. ლაჩრები, და ჩვენ დავიმახსოვრებთ!” - წერს ტრამპი.
