გერმანიის ქალაქ გელზენკირხენში, გერმანიის მარქსისტულ-ლენინური პარტიის (MLPD) ინიციატივით, ვლადიმერ ლენინის ძეგლი დაიდგა.

”ეს ქანდაკება ჩეხოსლოვაკიაში ჩამოისხა 1957 წელს, ეს იყო ლენინის პირველი ძეგლი ჩეხოსლოვაკიაში. ჩვენ ის eBay- ზე ვიყიდეთ ავსტრიელი გამყიდველისგან, რომელთანაც ძეგლი   "ხავერდოვანი რევოლუციის" შემდეგ ინახებოდა. ჩვენ გადავწყვიტეთ მისი შეძენა და დამონტაჟება, რადგან დასავლეთ გერმანიაში ჯერ კიდევ არ ყოფილა ლენინის არც ერთი ბიუსტი ან ქანდაკება. ”- განმარტა აღნიშნა პარტიის წარმომადგენელმა პეტერ ვაისპვენინგმა.

ძეგლის სიმაღლე - 2 მეტრი 15 სანტიმეტრია და ის კვარცხლბეკზე დგას.

ძეგლის აღმართვის გადაწყვეტილებამ პროტესტი გამოიწვია ქალაქის ადმინისტრაციის, მემარჯვენე რადიკალებისა და ცენტრისტულ-კონსერვატიული ქრისტიან-დემოკრატიული კავშირის წევრებში. სხვათაშორის კანცლერი ანგელა მერკელი სწორედ ამ კავშირს წარმოადგენს თავის პოსტზე.

”თავდაპირველად, ქალაქის ადმინისტრაციამ განაცხადა, რომ ძეგლის დამონტაჟება შეუძლებელია , ძეგლთა დაცვის მოქმედი კანონის გამო, რომელიც კრძალავს ისტორიულ ძეგლიდან 30 მეტრზე რაიმე ძეგლის დადგმას და შენობა რომელიც ძეგლის სავარაუდო ადგილიდან 30 მეტრზე ახლოს დგას წარმოადგენს ისტორიულ ძეგლს და მას სახელმწიფო იცავს. ამ პოზიციით გამოვიდა ქალაქის ბურგომისტრი, რომელიც კატეგორიული წინააღმდეგი იყო ლენინის ძეგლის დადგმის მის ქალაქში. მაგრამ გერმანელმა მარქსისტებმა მიმართეს სასამართლოს, რომელმაც დაადასტურა რომ ლენინის ძეგლის, შერჩეულ ადგილზე დადგმა კანონს არ არღვევდა.