,
საზოგადოებრივი მაუწყებლის სამეურვეო საბჭოს სხდომაზე დაპირისპირება იყო.
ერთმანეთს ბორდის წევრი ლიკა ბასილაია და ახალი და მიმდინარე ამბების ბლოკის დირექტორი, გიორგი გვიმრაძე დაუპირისპირდნენ.
ლიკა ბასილაია დაინტერესდა რატომ დახურა საზოგადოებრივმა მაუწყებელმა 7 გადაცემა, ტელესკოლის არხი და რა პრინციპით შეარჩიეს დასახური გადაცემები.
„რატომ დაგვიმალეთ ამბავი? თქვენ ფსიქიკური პრობლემები ხომ არ გაქვთ ბატონო გიორგი?! წესიერად ილაპარაკეთ. ის შენი მაყურებელი კი არა საქართველოს მაყურებელია, რომელიც შენ გიხდის ხელფასს და არ გეკუთვნის, რადგან ნულოვანი რეიტინგი გაქვს, შენზე დახარჯული ფული არის წყალში გადაყრილი. მე შენ გაკონტროლებ და ყოველთვის გაგაკონტროლებ, რადგან შენ ხარ ნული. ამის გადაცემა რატომ არის დარჩენილი არხზე?! დამისაბუთეთ. გადასახადის გადამხდელი ფულს, თურმე გვიმრაძის გადაცემაში ფულს იმისთვის იხდის, რომ მე ნერვები მომეშალოს, ბრავო! სამარცხვინო“, - მიმართა ლიკა ბასილაიამ გვიმრაძეს.
თავის მხრივ გიორგი გვიმრაძემ ლიკა ბასილაიას უპასუხა, რომ არხზე მისი გადაცემა იმიტომ დარჩა, რომ ლიკა ბასილაიას ნერვები მოეშალოს.
„რა ამბავი არ იცოდით? რა ამბავი დაგიმალეთ? პრობლემები ვის აქვს ეტყობა. წესიერად შენ ილაპარაკე ყოველთვის, ახლა კი არა, სულ. იცის ჩემმა მაყურებელმა ვინ ვარ და რა ვარ. ჩემს კოლეგებთან ძალიან გთხოვ ილაპარაკე ზრდილობიანად. რას მაკონტროლებ, შენ რა უნდა გამაკონტროლო“, - მიმართა გვიმრაძემ.
