დაღესტანში, ეკლესიაზე თავდასხმის შედეგად მოკლული სასულიერო პირი - 66 წლის დეკანოზი ნიკოლაი კოტელნიკოვია.

ის დერბენდში მოქმედი ერთადერთი მართლმადიდებლური ტაძრის წინამძღვარი იყო და ტაძარში 40 წელი მსახურობდა.

ტერორისტები ჯერ ტაძარში შევარდნენ და მთავარი ხატი გადაწვეს, შემდეგ კი სასულიერო პირის სახლში გადაინაცვლეს და ოჯახის წევრების თვალწინ მღვდელს ყელი გამოჭრეს. დეკანოზი ნიკოლაი კოტელნიკოვი ადგილზე გარდაიცვალა.

შემთხვევა დაღესტანში კვირას სულთმოფენობის დღესასწაულზე მოხდა. ამ დროისთვის არსებული ინფორმაციით , ტერორისტების თავდასხმას 20 ადამიანი ემსხვერპლა.

წყარო:https://www.pravmir.ru/