,
„ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, ჩუღურეთის რაიონში, დოლიძის N9-ში მდებარე ავარიული საცხოვრებელი სახლის კაპიტალური გამაგრების პროცესი მიმდინარეობს.
სამუშაოები ჩუღურეთის რაიონის გამგებელმა დავით მაქაცარიამ, საქართველოს პარლამენტის ვიცე სპიკერმა და რაიონის მაჟორიტამა გიორგი ვოლსკიმ, თბილისის საკრებულოს მაჟორიტარმა ზურაბ ჩიკვილაძემ და პარლამენტის დეპუტატმა რიმა ბერაძემ დაათვალიერეს, ასევე ადგილობრივ მოსახლეობას შეხვდნენ.
პროექტის ფარგლებში, შენობის საძირკველი გამაგრდება, კედლები მოეწყობა, ლითონის ელემენტებით ფანჯრები და კარის ღიობები მოჩარჩოვდება, არმატურის ჯავშანში დაზიანებული ელემენტები ჩაისმება, ბზარები დამუშავდება და სპეციალური მასალით შეივსება, ასევე, მოეწყობა სეისმური სარტყელი.
სამუშაოებს, ჩუღურეთის რაიონის გამგეობის დაკვეთით, კონტრაქტორი კომპანია ასრულებს და მისი ღირებულება 295 000 ლარია.
