ჩუღურეთის რაიონში, წინამძღვრიშვილის 100ა-ში, მოსახლეობის თხოვნის შესაბამისად, ახალი სკვერი მოეწყო.
პროექტის ფარგლებში, 1 698 კვადრატულ მეტრ ფართობზე მოეწყო განათების სისტემა, საფეხმავლო ბილიკი, საბავშვო-გასართობი ზონა, ტრენაჟორები, წყლის სოკოები, განთავსდა საპარკე ავეჯი, დაირგო ხე-მცენარეები და ტერიტორია უსაფრთხოების მოაჯირით შემოისაზღვრა.
დასრულებული სამუშაოები თბილისის მერის მოადგილემ კახა გულედანმა, ჩუღურეთის რაიონის გამგებელმა დავით მაქაცარიამ, პარლამენტის დეპუტატმა რიმა ბერაძემ და თბილისის საკრებულს მაჟორიტარმა ზურაბ ჩიკვილაძემ დაათვალიერეს და ადგილობრივ მოსახლეობას შეხვდნენ.
სამუშაოები, რომლის ღირებულება 393 000 ლარია, ჩუღურეთის რაიონის გამგეობის დაკვეთით, კონტრაქტორმა კომპანიამ შეასრულა.
