,
ჩუღურეთის გამგებელმა, დავით მაქაცარიამ საზოგადოებას 2024 წლის განმავლობაში რაიონში განხორციელებული მნიშვნელოვანი პროექტები გააცნო. აღნიშნულის შესახებ ინფორმაციას თბილისის მერია ავრცელებს.
გამგებლის განცხადებით, მიმდინარე წლის განმავლობაში გამგეობის მიერ განხორციელებული საბიუჯეტო პროგრამებისა და პროექტებისთვის ჯამში, 21 300 112 ლარი დაიხარჯა. აქედან ინფრასტრუქტურული პროექტებისთვის 5 839 400 ლარი გამოიყო.
„წელს კაპიტალურად შეკეთდა და რეაბილიტირდა ჯამში, 53 მისამართზე გზის საფარი. 20 მისამართზე მოეწყო გრუნტის დამჭერი კედელი. რაიონის მასშტაბით, რეაბილიტირდა 61 სკვერი და სპორტული მოედანი. ასევე, „ბინათმესაკუთრეთა ამხანაგობების განვითარების ხელშეწყობის პროგრამის“ ფარგლებში, 141 პროექტი განხორციელდა, რაშიც 4 750 000 ლარი დაიხარჯა. მათ შორის, კაპიტალურად გამაგრდა 18 ავარიული თბილისური ტიპის საცხოვრებელი სახლი. 16 მისამართზე რეაბილიტირდა საერთო სარგებლობის კიბე და აივანი. ასევე, 44 მისამართზე საცხოვრებელი სახლის სახურავი შეიცვალა“, - აღნიშნა დავით მაქაცარიამ.
მისივე ინფორმაციით, 2024 წლის განმავლობაში მოსახლეობის ჩართულობით გაიმართა სხვადასხვა სახის 4 კულტურული, სპორტული და საგანმანათლებლო ღონისძიება.
ამასთან, გამგებელმა დამსწრე საზოგადოებას 2025 წლისთვის დაგეგმილი მნიშვნელოვანი პროექტებიც გააცნო და ადგილობრივ მოსახლეობას მადლობა გადაუხადა რაიონში განხორციელებულ პროექტებში ჩართულობისთვის.
ინფორმაციის თანახმად, ღონისძიებას პარლამენტისა და საკრებულოს მაჟორიტარი დეპუტატები ესწრებოდნენ.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
