თბილისის მუნიციპალიტეტის გამგეობებში ქალთა მიმართ ძალადობის წინააღმდეგ 16-დღიანი მსოფლიო კამპანიისადმი მიძღვნილი ღონისძიებები დაიწყო.
თბილისის მერის მრჩეველიმა გენდერული თანასწორობის საკითხებში ნინო ბურძენიძემ ჩუღურეთის რაიონის გამგეობის თანამშრომლებთან შეხვედრა გამართა, რომელსაც ჩუღურეთის რაიონის გამგებელი დავით მაქაცარია ესწრებოდა. შეხვედრაზე, რომელიც დისკუსიის ფორმატში გაიმართა, საუბარი შეეხო გენდერული ძალადობის წინააღმდეგ საზოგადოების აქტიურობის მნიშვნელობასა და ამ საკითხში თვითმმართველობის როლს.
შეხვედრას ესწრებოდნენ არასამთავრობო ორგანიზაცია "ევროპა დონა საქართველოსა" და კავკასიის ონკოსაზოგადოება "ჰოუფის" წევრები, ასევე, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს სტრუქტურული ერთეულის - თბილისის დაწესებულების უფროსი ინდირა რობაქიძე.
თბილისის მერია 2018 წლიდან უერთდება აღნიშნულ საერთაშორისო ღონისძიებას, რომლის ფარგლებში დაგეგმილია არაერთი მნიშვნელოვანი აქტივობა.
