,
ჩოხატაურის მუნიციპალიტეტში სრულად არის აღდგენილი ელექტროენერგია. დენის გარეშე ცალკეული აბონენტები რჩებიან ლანჩხუთისა და ოზურგეთის მუნიციპალიტეტებში. კვლავ რჩება გამოწვევა შიდა საუბნო გზებზე ავტომობილების გადაადგილების, თუმცა როგორც ადგილობრივ ხელისუფლებაში ამბობენ, ეს პრობლემა მალე აღმოიფხვრება.
ბოლო ცნობებით, ლანჩხუთის მუნიციპალიტეტში 80-მდე აბონენტი რჩება დენის გარეშე, ხოლო 5 აბონენტი გაზის გარეშე, რომლებსაც გაზიფიცირება დღის ბოლომდე უნდა აღუდგეთ.
ქვეყნის მასშტაბით, სეზონური გრიპის საწინააღმდეგო ვაქცინაცია დაიწყო - აცრა, ყველა მოქალაქისთვის, უფასოდ იქნება ხელმისაწვდომი.
ჯანდაცვის სამინისტროს ცნობით, იმუნიზაციის სახელმწიფო პროგრამის ფარგლებში, საქართველომ, 200 000 დოზა ფრანგული წარმოების, ოთხკომპონენტიანი, (SANOFI WINTHROP INDUSTRIE-ის VaxigripTetra™) სეზონური გრიპის საწინააღმდეგო ვაქცინა შეიძინა, რომელიც ერთ-ერთია ჯანმოს მიერ რეკომენდებულ ვაქცინებს შორის.
„ვაქცინა მორგებულია იმ შტამებზე, რომელთა ცირკულაცია მოსალოდნელია გრიპის სეზონზე.
განსაკუთრებით მნიშვნელოვანია ვაქცინაცია მაღალი რისკის / ქრონიკული დაავადების მქონე პირებისთვის, რადგან ზოგიერთი ადამიანისთვის გრიპი შესაძლოა სახიფათო დაავადებად იქცეს.
აცრა ვაქცინაციის სერვისის მიმწოდებელ სამედიცინო დაწესებულებებსა და პოლიკლინიკებში 6 თვის ასაკიდანაა შესაძლებელი და ბენეფიციარებისთვის სრულად უფასოა”,- აღნიშნულია ინფორმაციაში.
დაწესებულებები იხილეთ ბმულზე: https://ncdc.ge/#/pages/file/87a090e3-e8de-4d08-adaf-aaf0cb8b7128
