,
რუსეთის ლიბერალურ-დემოკრატიული პარტიის ლიდერი ვლადიმერ ჟირინოვსკი გამოდის ახალი ინიციატივით, რომ დაწესდეს შეზღუდვა წონაზე რუსეთის მოქალაქეებისა და ჩინოვნიკებისათვის.
ჟირინოვსკის აზრით, სახელმწიფოს ძვირი უჯდება იმ ადამიანების მკურნალობა, რომლებიც ჭარბი წონის გამო სხვადასხვა დაავადებით ავადმყოფობენ. „ამ დროს ნორმალური წონის ადამიანები სახელმწიფოსაგან ვერაფერს იღებენ... მე ჯერ კიდევ შვიდი წლის წინ, 14 წელს ვთქვი, რომ მოდი დავაწესოთ ნორმა -80 კილოგრამი“
რაც შეეხება ჩინოვნიკებს, პოლიტიკოსის აზრით, მათი წონა არ უნდა აღემატებოდეს 100 კგ-ს.
სიმსუქნის პროფილაქტიკის მიზნით პარტიის ლიდერმა ქვეყნის ხელისუფლებას მოუწოდა უფრო აქტიურად აწარმოოს ჯანსაღი ცხოვრების წესის პროპაგანდა. ხოლო პოლიტიკოსებს ევალებათ იქცნენ მისაბაძად რიგითი მოქალაქეებისათვის: “გინდა დარჩე სახელმწიფო სამსახურში, კეთილი ინებე და ჩადექი ფორმაში; არ შეგიძლია წონის კონტროლი, სხვაგან ეძებე სამსახური“-განაცხადა პოლიტიკოსმა რადიოსთვის- „კომსომოლსკაია პრავდა“ მიცემულ ინტერვიუში.
უფრო ადრე ჟირინოვსკი გამოვიდა დიდ ქალაქებში ბორდელების გახსნის ინიციატივით. მისი აზრით, ამგვარად შესაძლებელი გახდება მომატებული აგრესიის 2-3-ჯერ შემცირება იმ ახალგაზრდებში, რომლებიც მონაწილეობენ არასანქცირებულ საპროტესტო გამოსვლებში.
წყარო: რია ნოვოსტი
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
