,
ჩინეთის სოფლის მეურნეობის მეცნიერებათა აკადემიის ურბანული სოფლის მეურნეობის ინსტიტუტმა ჩენგდუში, სიჩუანის პროვინციაში თავისი პირველი განვითარებული უპილოტო ვერტიკალური ქარხანა წარადგინა, რომელიც 20-სართულიანია, - ამის შესახებ ინფორმაციას Interesting Engineering ავრცელებს.
მკვლევრების მიერ გავრცელებულ მოხსენებაში ნათქვამია, რომ ურბანული სოფლის მეურნეობის ინსტიტუტის (IUA), ჩინეთის სოფლის მეურნეობის მეცნიერებათა აკადემიის (CAAS) ჯგუფმა განათავსა რობოტები, რომლებსაც სალათის ფოთლის მოსავლის გაზრდა სულ რაღაც 35 დღეში შეუძლია.
ეს კონტროლის სისტემა იყენებს მოწინავე ტექნოლოგიებს და ალგორითმებს ვერტიკალური მეურნეობის ობიექტში ძირითადი გარემოს ცვლადების მონიტორინგის, ანალიზისა და კორექტირებისთვის.
ამასთან, დაწესებულება სინათლის ეფექტურობის გასაუმჯობესებლად მცენარის განათების მოწინავე ფორმულებს იყენებს.
„ჩვენ შეგვიძლია გავაერთიანოთ სხვადასხვა რაოდენობით წითელი, ლურჯი, ყვითელი, ულტრაიისფერი და ინფრაწითელი ნათება მცენარის სასიცოცხლო ციკლის სხვადასხვა ეტაპზე. ჩვენ 72 სახეობის მოსავლისთვის 300 კომბინაციის მონაცემთა ბაზა შევქმენით", - თქვა ვანგ სენმა, IUA-ს მკვლევარმა.
ინფორმაციისთვის: ვერტიკალური მეურნეობა ხშირად სოფლის მეურნეობის გარკვეული გამოწვევების გადასაჭრელად პერსპექტიულ და ინოვაციურ მიდგომად განიხილება. აღნიშნული განსაკუთრებით სასარგებლო და მოგებიანია ქალაქებში - სადაც მიწაზე წვდომა შეზღუდულია. ტრადიციულ ჰორიზონტალურ მეურნეობასთან შედარებით, ვერტიკალური მეურნეობა კვადრატულ მეტრზე მეტი საკვების წარმოების პოტენციალს იძლევა.
აშშ-ის პრეზიდენტი დონალდ ტრამპი ირანთან დაკავშირებით აშშ-ის მოსახლეობას მიმართავს, - ინფორმაციას თეთრი სახლის პრესსპიკერი, კეროლაინ ლევიტი ავრცელებს.
„ხვალ საღამოს 9 საათზე (თბილისის დროით ხუთშაბათი, 5:00 საათი), პრეზიდენტი ტრამპი ერს მიმართავს, რათა მათ მნიშვნელოვანი სიახლე გააცნოს“, - წერს ლევიტი X-ზე.
მანამდე, აშშ-ის პრეზიდენტმა, დონალდ ტრამპმა თეთრ სახლში ჟურნალისტებს განუცხადა, რომ ირანის წინააღმდეგ ომი, ძალიან მალე დასრულდება.
„ძალიან მალე დავტოვებთ. ვიტყოდი, რომ შესაძლოა ორ კვირაში. ორ კვირაში, შესაძლოა სამ კვირაში. რეჟიმის შეცვლა მოგვიწია. რეჟიმის შეცვლა არ იყო ერთ-ერთი იმ მიზნებს შორის, რაც მე მქონდა. მე მქონდა ერთი მიზანი: მათ არ ჰქონოდათ ბირთვული იარაღი და ეს მიზანი მიღწეულია. მათ არ ექნებათ ბირთვული იარაღი. მაგრამ ვასრულებთ სამუშაოს და ვფიქრობ, შესაძლოა ორ კვირაში, შესაძლოა კიდევ რამდენიმე დღეში, შევასრულოთ ეს სამუშაო. მაგრამ გვინდა, რომ გავანადგუროთ ყველაფერი, რაც მათ აქვთ“, - განაცხადა ტრამპმა.
