,
აშშ-ის მიერ გემების დაკავება საერთაშორისო სამართლის სერიოზულ დარღვევას წარმოადგენს, - ამის შესახებ განცხადებას ჩინეთის საგარეო საქმეთა სამინისტრო ავრცელებს.
„ვენესუელას სხვა ქვეყნებთან ურთიერთობების განვითარების უფლება აქვს“, - განაცხადა ჩინეთის საგარეო საქმეთა სამინისტროს პრესსპიკერმა, ლინ ძიანმა.
შეგახსენებთ, შაბათ-კვირას აშშ-ის სანაპირო დაცვამ ვენესუელის სანაპიროსთან ნავთობტანკერი დააკავა. დოკუმენტების თანახმად, ტანკერს 1.8 მილიონი ბარელი ნედლი ნავთობი ჩინეთში გადაჰქონდა.
თეთრ სახლში განაცხადეს, რომ „ყალბი დროშის ქვეშ მცურავი“ ტანკერი ვენესუელის „ჩრდილოვანი ფლოტის“ ნაწილია.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
