,
2024 წელს საქართველოს ესტუმრა 89,000 ჩინელი ტურისტი, რაც წინა წელთან შედარებით 83%-ით მეტია და ისტორიულ რეკორდს წარმოადგენს, - განაცხადა „დღის ქრონიკასთან“ ესკლუზიურ ინტერვიუში ჩინეთის ელჩმა საქართველოში, ჭოუ ციენმა.
მან ისაუბრა, თუ რა პოლიტიკური და ეკონომიკური შედეგები მოიტანა ჩინეთ-საქართველოს შორის უვიზო რეჟიმის ამოქმედებამ. ელჩის თქმით, მშრომელთა საერთაშორისო დღის არდადეგებზე, რომელიც ახლახან დასრულდა, საქართველო გახდა ჩინელი ტურისტებისთვის საზღვარგარეთ მოგზაურობის ათი ყველაზე პოპულარული ახალი მიმართულებიდან ერთ-ერთი.
„ჩინეთ-საქართველოს შორის სტრატეგიული პარტნიორობის დამყარების შემდეგ, ძალიან მალე, ორმა ქვეყანამ ასევე ხელი მოაწერა ორმხრივ უვიზო შეთანხმებას, რაც ადასტურებს ამ სტრატეგიული პარტნიორობის მნიშვნელობას. უვიზო რეჟიმის ამოქმედების შემდეგ, ორმხრივი ხალხთა მიმოსვლა მნიშვნელოვნად გაიზარდა, რაც კიდევ უფრო ამდიდრებს სტრატეგიული პარტნიორობის არსს.
2024 წელს საქართველოს ესტუმრა 89,000 ჩინელი ტურისტი, რაც წინა წელთან შედარებით 83%-ით მეტია და ისტორიულ რეკორდს წარმოადგენს. მშრომელთა საერთაშორისო დღის არდადეგებზე, რომელიც ახლახან დასრულდა, საქართველო გახდა ჩინელი ტურისტებისთვის საზღვარგარეთ მოგზაურობის ათი ყველაზე პოპულარული ახალი მიმართულებიდან ერთ-ერთი.
გვჯერა, რომ მომავალში კიდევ უფრო მეტი ჩინელი ტურისტი ეწვევა საქართველოს საუცხოო ღვინის დასაგემოვნებლად და მშვენიერი ბუნების დასათვალიერებლად; უფრო მეტი ჩინური კომპანია ჩამოვა საქართველოში თანამშრომლობის დასაწყებად და საინვესტიციო პროექტების საძიებლად.
ჩვენ ასევე მივესალმებით უფრო მეტ ქართველ მეგობარს, რომ ეწვიონ ჩინეთს და თავად გამოცადონ ჩინეთის უნიკალური მშვენიერება, რომელიც აერთიანებს 5 000-წლოვან ბრწყინვალე ცივილიზაციისა და თანამედროვეობას“, - განაცხადა ჩინეთის ელჩმა.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
