,
საქართველოში ხანდაზმული მოქალაქეების ჯანმრთელობისა და უსაფრთხოების დაცვის მიზნით, ჩეხეთის განვითარების სააგენტოს მხარდაჭერით, აქტიურად მიმდინარეობს საინფორმაციო შეხვედრები სურსათის უვნებლობის საკითხებზე. ამჯერად, თბილისის მულტიფუნქციური ბიბლიოთეკების — თემქის მედიათეკის 60+ კლუბის წევრები გაეცნენ სურსათის უვნებლობის იმ მნიშვნელოვან პრინციპებს, რომლებიც აუცილებელია მათი და მათი ოჯახის წევრების სიცოცხლისა და ჯანმრთელობის დასაცავად.
აღნიშნული ინიციატივა ჩეხეთის განვითარების სააგენტოს მიერ გაზაფხულზე განხორციელებული ტრენერთა ტრენინგის გაგრძელებას წარმოადგენს. სპეციალურად მომზადებული და გადამზადებული ტრენერები ახლა უკვე თბილისსა და ქვეყნის სხვადასხვა რეგიონში ხვდებიან ხანდაზმულ მოქალაქეებს და მათ პრაქტიკულ ცოდნას უზიარებენ უსაფრთხო კვებისა და სურსათის სწორი მოხმარების შესახებ.
აღნიშნული კამპანიის ფარგლებში, თემქის მედიათეკის კლუბის წევრები მოისმენენ 3 ძირითად ტრენინგს შემდეგ თემებზე:
ციკლის პირველი შეხვედრა საინტერესო, ინტერაქციულ და აქტიურ რეჟიმში წარიმართა. ვორქშოფების სერიას სურსათის უვნებლობის ექსპერტი, ტრენერი ვერიკო გულუა უძღვება. მესამე შეხვედრის დასრულების შემდეგ, კურსის ყველა მონაწილეს საზეიმოდ გადაეცემა შესაბამისი სერტიფიკატები.
როგორც მედიათეკის კლუბის წევრმა, ცისანა მიქაბერიძემ აღნიშნა, შეხვედრა ძალიან ნაყოფიერი აღმოჩნდა: „ჩემთვის ეს ვორქშოფი ძალიან სასარგებლო და საჭირო სიახლეებით იყო სავსე. მივიღე უმნიშვნელოვანესი ცოდნა, რომელსაც აუცილებლად გამოვიყენებ ყოველდღიურ ცხოვრებაში ჩემი და ჩემი ოჯახის წევრების უსაფრთხოებისთვის.“
ეს აქტივობა ევროკავშირის ფართომასშტაბიანი მხარდაჭერის ნაწილია, რომელიც მიზნად ისახავს საქართველოში სურსათის უვნებლობის სექტორის გაძლიერებას. პროექტი უკვე მეოთხე წელია წარმატებით მიმდინარეობს და მოიცავს მრავალმხრივ საინფორმაციო კამპანიებს, მათ შორის სპეციალურად 65+ ასაკის მოქალაქეებისთვის, რომლებიც სურსათით გამოწვეული დაავადებების მიმართ უფრო მოწყვლად ჯგუფს მიეკუთვნებიან.
