Reuters-თან ინტერვიუში გერმანიის შეიარაღებული ძალების, ბუნდესვერის გენერალ-მაიორმა, კრისტიან ფროიდინგმა განაცხადა, რომ ნატოს ევროპული ქვეყნები და კანადა უკვე უზრუნველყოფენ უკრაინისთვის დასავლური სამხედრო დახმარების დაახლოებით 60%-ს და თუ პოლიტიკური ნება იარსებებს, მათ შეუძლიათ პრაქტიკულად სრულადაც კი ანაზღაურონ აშშ-ის მხარდაჭერის შეწყვეტა.
ფროიდინგმა დაადასტურა, რომ ვაშინგტონის მხრიდან რადიკალური უარი გარკვეულ „ხარვეზებს“ დატოვებს Patriot-ის ჰაერსაწინააღმდეგო თავდაცვის, დაზვერვისა და ამერიკული სისტემებისთვის აუცილებელი კომპონენტების კუთხით, თუმცა ხაზგასმით აღნიშნა: ევროპას გააჩნია ფინანსური რესურსები, რათა ეს შესაძლებლობები უკრაინისთვის თავად შეისყიდოს.
“გერმანიის დახმარება უკვე მნიშვნელოვნად გაზრდილია და ზრდა კვლავ გრძელდება: ფრიდრიხ მერცის მთავრობამ გაზაფხულზე განბლოკა დამატებითი €3 მილიარდი ევრო , მაისში დაამტკიცა კიდევ €5 მილიარდის მოცულობის სამხედრო დახმარების პაკეტი, მოხსნა ყველა შეზღუდვა უკრაინისთვის გადაცემული შეიარაღების გამოყენების მანძილზე და დაიწყო რაკეტების ერთობლივი წარმოება უკრაინაში”.
