,
ბულგარეთმა განაცხადა, რომ დააკავა და ბრალი წაუყენა ექვს ადამიანს, რომლებიც ეჭვმიტანილი არიან რუსეთისთვის საიდუმლო ინფორმაციის გადაცემაში.
გენერალური პროკურატურის პრესმდივანმა, სიიკა მილევამ, 19 მარტს განაცხადა, რომ ეჭვმიტანილები შედიოდნენ ჯაშუშთა ჯგუფში, რომელსაც "თავდაცვის სამინისტროს სამხედრო დაზვერვის ყოფილი მაღალჩინოსანი" ხელმძღვანელობდა.
სოფიაში რუსეთის საელჩომ ამ ინფორმაციასთან დაკავშირებით განაცხადა, რომ ეს ნაბიჯი წარმოადგენს "განუწყვეტელი" მცდელობების შედეგს - განხეთქილება შეიტანონ რუსეთ-ბულგარეთის დიალოგში და კიდევ ერთხელ მოახდინონ ჩვენი ქვეყნის დემონიზება".
განცხადებაში არ არის ნათქვამი, ვინ არის სავარაუდო ანტირუსული მცდელობებისთვის პასუხისმგებელი. ფეისბუკზე განთავსებულ განცხადებაში, საელჩომ აღნიშნა, რომ მისი გაგებით, ბულგარელმა პროკურორებმა განაცხადეს, რომ გამოძიება ჯერ არ იყო დასრულებული და რუსული მხარე იმედს გამოთქვამდა, რომ "სპეკულაციები" ამ საქმის შესახებ შეწყდება, სოფიის მხრიდან დასკვნების არარსებობის შედეგად.
რუსეთის საელჩოს განცხადებაში ნათქვამია, რომ ის მოელის "სასამართლო გამოძიების არაპოლიტიზებურად, მიუკერძოებლად და ობიექტურად ჩატარებას, ბულგარული და საერთაშორისო კანონმდებლობის ნორმების მკაცრი დაცვით".
ჯგუფმა, სავარაუდოდ, გადაიბირა ბულგარელი ოფიციალური პირები, რომელთაც ჰქონდათ წვდომა საიდუმლო ინფორმაციაზე ბულგარეთის, ნატოსა და ევროპის კავშირის შესახებ, განაცხადა მილევამ, და დასძინა, რომ აღნიშნული პირის ცოლს ჰქონდა ორმაგი - რუსულ-ბულგარული - მოქალაქეობა და "შუამავლის როლს ასრულებდა" დაზვერვის ყოფილ თანამშრომელსა და რუსეთის საელჩოს თანამშრომელს შორის.
მან თქვა, რომ ეს იყო "პირველი შემთხვევა ჩვენს ბოლოდროინდელ ისტორიაში", როცა ამგვარი ჯაშუშური ჯგუფი გამოავლინეს.
საგარეო საქმეთა სამინისტრო მიესალმა "რუსეთის ფედერაციის სასარგებლოდ" ჯაშუშობის "მორიგი" საქმის გახსნას. მოსკოვსა და სოფიას შორის ურთიერთობები უკანასკნელ წლებში გაუარესდა ჯაშუშობასთან დაკავშირებული რამდენიმე სკანდალის გამო.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
