დიდი ბრიტანეთის ჯანდაცვის მინისტრის მეთ ჰენკოკის განცხადებით, კორონავირუსის საწინააღმდეგო პოტენციური ვაქცინის ადამიანებზე გამოცდა, რომელიც ოქსფორდის უნივერსიტეტში შეიმუშავეს, ხუთშაბათიდან დაიწყება.

ოქსფორდის მკვლევართა ჯგუფის წევრის ცნობით კი, თუკი გამოცდა წარმატებით ჩაივლის, მილიონობით ვაქცინის დოზა გამოყენებისთვის მიმდინარე წლის შემოდგომისთვის იქნება ხელმისაწვდომი.

„მოხარული ვარ განვაცხადო, რომ 20 მილიონ გირვანქა სტერლინგს გამოვყოფთ ოქსფორდის უნივერსიტეტის სპეციალისტებისთვის კლინიკური გამოცდების განსახორციელებლად. უკვე 23 აპრილიდან ვაქცინის ადამიანებზე გამოცდას დავიწყებთ“, - განაცხადა დიდი ბრიტანეთის ჯანდაცვის მდივანმა.

მან „იმედისმომცემი“ უწოდა ოქსფორდისა და ლონდონის საიმპერატორო უნივერსიტეტებში მიმდინარე კვლევებს.

მისივე თქმით, მთავრობა 20 მილიონ გირვანქა სტერლინგს გადაურიცხავს ოქსფორდის