,
ჩვენ ვართ ის თაობა, რომელმაც აუცილებლად უნდა მოამზადოს არმია ევროპაში კიდევ ერთხელ საბრძოლველად, - ამის შესახებ ბრიტანეთის არმიის ახალმა მეთაურმა საკუთარ ჯარს განუცხადა.
გენერალმა სერ პატრიკ სანდერსმა სამხედროებს მოუწოდა, მზად იყვნენ დაუპირისპირდნენ რუსეთისგან მომდინარე განახლებულ საფრთხეს, მას შემდეგ რაც კრემლი უკრაინაში შეიჭრა.
წერილში, რომელიც „ყველა წოდებისა და საჯარო მოხელისადმია“ მიმართულია, ბრიტანელი გენერალი ყურადღებას ამახვილებს რუსეთის მიერ უკრაინაში შეჭრის შემდეგ წარმოქმნილ საფრთხეს.
სერ პატრიკ სანდერსი აღნიშნავს, რომ ის 1941 წლიდან გენერალური შტაბის პირველი ხელმძღვანელია, რომელიც არმიას სარდლობას ევროპაში სახმელეთო ომის პირობებში უწევს, რომელშიც დიდი კონტინენტური ძალა მონაწილეობს.
„რუსეთის უკრაინაში შეჭრა ხაზს უსვამს ჩვენს მთავარ მიზანს - დავიცვათ დიდი ბრიტანეთი და ვიყოთ მზად იმისთვის, რომ ვიბრძოლოთ და მოვიგოთ ხმელეთზე ომები“, - განაცხადა გენერალმა სანდერსმა.
მან იმ მოთხოვნასაც გაუსვა ხაზი, რომელიც რუსული აგრესიის ძალის მუქარით შეკავებას ეხება.
სამხედრო მაღალჩინოსანმა აღნიშნა, რომ მსოფლიო 24 თებერვლის შემდეგ შეიცვალა. ის აღნიშნავს ისეთი არმიის შექმნის სასიცოცხლო მნიშვნელობას, რომელსაც ბრიტანეთის მოკავშირეებთან ერთად შეუძლია იბრძოლოს რუსეთის ბრძოლაში დასამარცხებლად.
BBC-ის ინფორმაციით, აღნიშნული წერილი 16 ივნისს გაერთიანებული სამეფოს თავდაცვის სამინისტროს შიდა ინტერნეტის საშუალებით გაიგზავნა.
როგორც მედია წერს, გენერალი სანდერსი მიზნად ისახავს, დააჩქაროს არმიის მობილიზაცია და მოდერნიზაცია ნატოს გასაძლიერებლად. მას აგრეთვე სურს რუსეთს უარი ათქმევინოს ევროპის სხვა ქვეყნების ოკუპაციის შანსებზე.
ამერიკის შეერთებული შტატები “მშვიდობის საბჭოს” პირველი ოფიციალური სამიტისთვის ემზადება. პრეზიდენტ ტრამპის მიერ შექმნილი ახალი საერთაშორისო ორგანიზაციის პირველ სხდომას ვაშინგტონში მდებარე, ტრამპისვე სახელობის მშვიდობის ინსტიტუტი უმასპინძლებს.
არსებული ინფორმაციით, მას წევრი ქვეყნების უდიდესი ნაწილი, 20-ზე მეტი სახელმწიფოს ლიდერი დაესწრება. მათ შორის იქნებიან საუდის არაბეთის, თურქეთის, ეგვიპტის, კატარისა და ინდონეზიის წარმომადგენლები. ასევე სომხეთისა და აზერბაიჯანის მმართველები.
როგორც ირკვევა, პირველ სამიტზე პრეზიდენტი დონალდ ტრამპი ღაზას რეკონსტრუქციისთვის ფონდის შექმნას დააანონსებს და გამოაცხადებს, თუ როგორ დაკომპლექტდება ის “საერთაშორისო სტაბილიზაციის სამხედრო ძალა”, რომელიც ღაზას სექტორის საზღვარზე განლაგდება და უზრუნველყოფს, რომ ისრაელსა და ჰამასს შორის სამხედრო მოქმედებები აღარ განახლდეს.
ჯერჯერობით, უცნობია, ზუსტად რა რაოდენობის სამშვიდობოებს გაგზავნიან სახელმწიფოები, თუმცა ცნობილია, რომ ინდონეზიის კონტრიბუცია ამ მხრივ 8,000 ჯარისკაცი იქნება. რაც შეეხება ფინანსებს, პრეზიდენტი ტრამპი მოელის, რომ ღაზას სექტორის ხელახლა აღდგენისთვის წევრი სახელმწიფოებისაგან მილიარდობით დოლარს მოიზიდავს. შეგახსენებთ, “მშვიდობის საბჭოს” წევრობის საწევროს გადასახადი ერთ ქვეყანაზე $1 მილიარდია, თუმცა განსაზღვრული არ არის, ეს თანხა უნდა ჩაირიცხოს ერთიანად, თუ სხვადასხვა პროექტების ფარგლებში, მთელი წლის განმავლობაში. შესაბამისად, სავარაუდოა, რომ შტატების ლიდერი კოლეგებს ფონდში პირველადი ფინანსური კონტრიბუციის შეტანას სწორედ $1-მილიარდიანი ვალდებულების ფარგლებში სთხოვს.
რაც შეეხება ჰამასს, რომლის განიარაღებისა და ძალაუფლების ჩამორთმევის გარეშეც “მშვიდობის საბჭო” ღაზას სექტორის რეკონსტრუქციასა და ახალი ადმინისტრაციის სრულფასოვან მმართველობას ვერ უზრუნველჰყოფს, არსებული ინფორმაციით, მის ტერორისტებს საშუალება ექნებათ, სამშვიდობო ძალებს საკუთარი ნებით ჩააბარონ იარაღი და როგორც პალესტინის მშვიდობიანმა მცხოვრებლებმა, ისე განაგრძონ ცხოვრება. მათთვის, ვისაც ასეთ რეალობაში დარჩენა არ ენდომება, “მშვიდობის საბჭო” პარტნიორი ქვეყნების მეშვეობით ღაზას სექტორიდან გასვლაში დაეხმარება. შეგახსენებთ, ამჟამად ჰამასის ხელმძღვანელობის პოზიციაა, რომ ახალ ღაზაში დარჩენა და ჯარისკაცების საპოლიციო ძალებში გაწევრიანება სურთ, რათა იმ ბრძოლამ, რაც წლების განმავლობაში სექტორის დაცვისთვის გასწიეს, უკვალოდ არ ჩაიაროს. თუმცა როგორც ტრამპის ადმინისტრაცია, ისე ისრაელი ამ ფორმით ჰამასის ღაზაში დარჩენას კატეგორიულად ეწინააღმდეგებიან. სავარაუდოა, რომ შუამავალი სახელმწიფოები, რომლებიც “მშვიდობის საბჭოშიც” არიან წარმოდგენილი, 19 თებერვალს ამ საკითხზე აქტიურად იმსჯელებენ.
