,
100 წლის ბრიტანელი, ტომ მური, რომელმაც პანდემიის დროს ქველმოქმედებისთვის დაახლოებით 33 მლნ ფუნტი შეაგროვა, კორონავირუსით გარდაიცვალა.
როგორც BBC წერს, მურს კორონავირუსი წინა კვირას დაუდასტურდა, შაბათს კი სუნთქვის გართულებით ბედფორდის საავადმყოფოში გადაიყვანეს.
გამოცემის თანახმად, მურის ჯანმართელბის მდგომარეობის გამო მისი აცრა კორონავირუსზე შეუძლებელი იყო.
ტომ მურის გარდაცვალებას გამოეხმაურა როგორც დიდი ბრიტანეთის დედოფალი, ასევე, პრემიერ-მინისტრი. ოფიციალურ განცხადებაში ბორის ჯონსონმა თქვა, რომ ტომ მური „ადამიანობის გამარჯვების განსახიერება იყო“.
„ის იყო არა მხოლოდ ეროვნული შთამაგონებელი, არამედ იმედის სხივი მთელი მსოფლიოსთვის“, – განაცხადა ბრიტანეთის პრემიერ-მინისტრმა ბორის ჯონსონმა.
დაახლოებით ერთი წლის წინ მეორე მსოფლიო ომის ვეტერანმა, კაპიტანმა ტომ მურმა გადაწყვიტა, კორონავირუსის პანდემიის ფონზე ინგლისის ჯანდაცვის ეროვნული სისტემის თანამშრომლებისთვის საქველმოქმედო კამპანია დაეწყო და მათთვის ფულადი სახსრები შეეგროვებინა. თავდაპირველი მიზანი, რომელიც მურის კამპანიამ დაისახა, საკმაოდ მცირე — 1 000 ფუნტ-სტერლინგი იყო.
კამპანიის ბოლოს მან 33 მლნ ფუნტ-სტერლინგზე მეტი შეაგროვა, რაც 100 მლნ ლარზე მეტია. სწორედ ამიტომ, ივლისში დიდი ბრიტანეთის დედოფალმა ტომ მური რაინდად აკურთხა.
სხვადასხვა სამუშაოების ჩატარების გამო 18 სექტებერს ელექტრომომარაგება დროებით შეიზღუდება
დიდუბის და ჩუღურეთის რაიონები
ქსელში გადართვების გამო 01:00 საათიდან 04:00 საათამდე შეზღუდვა შეეხება: თამარ მეფის გამზირის, წერეთლის გამზირის (ნაწილობრივ), ნორიოს აღმართის, ცაბაძის (ნაწილობრივ), ფიფიების, ვორონინის, თევდორე მღვდლის, გორის, ბათუმის, ფოთის, ბაგრატიონის, ევდოშვილის, აბასთუმნის, ჩუბინაშვილის, ფოცხვერაშვილის, გოგოლის, გროზნოს, მამრაძის, დონდუას, ქინქლაძის, ჩიტაიას, ცხრა ძმა ხერხეულიძის, თვალჭრელიძის, ცოტნე დადიანის, ართვინის, კაპანაძის, ფარავნის, მამარდაშვილის, თეთნულდის, კიკვიძის, პალიასტომის, მარუაშვილის და ზაზიშვილის ქუჩების მოსახლეობას.
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გარდაბნის სანერგე მეურნეობის (ნაწილობრივ), ლოტკინის სანერგე მეურნეობის (ნაწილობრივ), რეხის დასახლების, ხაჩატურიანის, რეხის, ენუქიძის, გაბისკირიას, ყუბანეიშვილის, ჟორდანიას, თამარ და აკაკი პაპავების, ჯინჭარაძე, ლოლაძის, მახათას, ცაიშის, დადიანი-ანჩაბაძის, აგიაშვილის, ივერთუბნის, ბარაკონის, კარტოზიას, ხორნაულის, ყანჩელის, დოლიძის, გაბუნიას, ბეთაშვილის, ალავერდის, ახალი რეხის, ვალერიან კანდელაკის, მახათას, თამარ მამულაშვილის, მარინე უთმელიძის, გურამ გაბისკირიას, რაულ ეშბას, ალოიზ მიზანდარის და ანასტასია თუმანიშვილი-წერეთლის ქუჩების მოსახლეობას.
კრწანისის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: რუსთავის გზატკეცილის (ნაწილობრივ), სოფელი ფონიჭალას, ფონიჭალის დასახლების, ქვემო ფონიჭალის დასახლების, ვაგზლის, გულიკო გოდოლაძის, ევსტათი მცხეთელის, შოთა ნიშნიანიძის და სადგურის ქუჩების მოსახლეობას.
ვაკის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), მოსაშვილის, ბერძენიშვილის, დარიალის, კავსაძის და ფალიაშვილის ქუჩების მოსახლეობას.
გადაუდებელი სამუშაოების გამო 10:00 საათიდან 19:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), დიდიმ მირცხულავას, ირაკლი აბაშიძის, ფალიაშვილის, არაყიშვილის და ბაზალეთის ქუჩების მოსახლეობას.
