,
კონფლიქტის ზონაში მეორე ჰუმანიტარული ზავის დადების მიუხედავად, ბრძოლები გრძელდება. ინფორმაციას სომხური და აზერბაიჯანული მხარეები ავრცელებენ.
აზერბაიჯანის თავდაცვის სამინისტროს განცხადებით, 19 ოქტომბრის ღამით მეტოქის წინააღმდეგ, რომელიც შეტევაზე გადასვლას ცდილობდა, სამხედრო ოპერაციები განხორციელდა. შედეგად, მათივე განცხადებით, განადგურდა სომხური სამხედრო ტექნიკა და ცოცხალი ძალა.
“ამჟამად ჩვენი ძალები აკონტროლებენ საბრძოლო მოქმედებებს მთიანი ფრონტის ხაზის გასწვრივ” – ნათქვამია სამინისტროს მიერ გავრცელებულ განცხადებაში.
სამინისტროს ცნობითვე, მთელი ღამის განმავლობაში, მოწინააღმდეგე მხარე ბომბავდა აზერბაიჯანულ დასახლებებს, რომლებიც მოშორებული არიან კონფლიქტის ზონას.
“ღამის განმავლობაში, სომხური შეიარაღებული ძალები ბომბავდნენ გორანბოის, ტერტერისა და აღდამის რაიონებს არტილერიის გამოყენებით. დილიდან აღჯაბედის რაიონი არის დაბომბვის ქვეშ” – აცხადებს სამინისტრო.
დე-ფაქტო მთიანი ყარაბაღის თავდაცვის სამინისტროს ცნობით, სიტუაცია კონფლიქტის ზონაში მთელი ღამის განმავლობაში იყო სტაბილურად დაძაბული.
“სროლები გრძელდებოდა ცალკეულ ნაწილებში. ამ დილით, ცეცხლის შეწყვეტის შეთანხმების მიუხედავად, მოწინააღმდეგის ძალებმა განაახლეს ჩრდილოეთ და სამხრეთ მიმართულებებზე თავდასხვა. საპასუხოდ, საბრძოლო მოქმედებების კონტროლისთვის. მიღებულია შესაბამისი ზომები” – ნათქვამია განცხადებაში.
დღეს დილით აზერბაიჯანის პრეზიდენტმა ილჰამ ალიევმა ჯაბრაილის რაიონში ახალი დასახლებების აღების შესახებ გავრცელა ინფორმაცია, ხოლო გუშინ, სომხეთის პრემიერ მინისტრმა ნიკოლ ფაშინიანმა საკუთარი Twitter-ის პოსტით განაცხადა, რომ “არწახი (მთიანი ყარაბაღი) არასდროს ყოფილა აზერბაიჯანის შემადგენლობაში, სომეხთა გენოციდის თავიდან ასაცილებლად კი აუცილებელია მისი დამოუკიდებელ სახელმწიფოდ აღიარება.”
მხარეებმა ახალი ჰუმანიტარული ზავის მიღწევის შესახებ, 17 ოქტომბრის საღამოს განაცხადეს, რომელიც 18 ოქტომბრის 00:00 საათიდან უნდა ამოქმედებულიყო, თუმცა ზავის დაწყებიდან მალევე, ორივე მხარემ განაცხადა, რომ მოწინააღმდეგე პირობებს არღვევდა და ცეცხლი არ შეწყვეტილა.
სხვადასხვა სამუშაოების ჩატარების გამო 18 სექტებერს ელექტრომომარაგება დროებით შეიზღუდება
დიდუბის და ჩუღურეთის რაიონები
ქსელში გადართვების გამო 01:00 საათიდან 04:00 საათამდე შეზღუდვა შეეხება: თამარ მეფის გამზირის, წერეთლის გამზირის (ნაწილობრივ), ნორიოს აღმართის, ცაბაძის (ნაწილობრივ), ფიფიების, ვორონინის, თევდორე მღვდლის, გორის, ბათუმის, ფოთის, ბაგრატიონის, ევდოშვილის, აბასთუმნის, ჩუბინაშვილის, ფოცხვერაშვილის, გოგოლის, გროზნოს, მამრაძის, დონდუას, ქინქლაძის, ჩიტაიას, ცხრა ძმა ხერხეულიძის, თვალჭრელიძის, ცოტნე დადიანის, ართვინის, კაპანაძის, ფარავნის, მამარდაშვილის, თეთნულდის, კიკვიძის, პალიასტომის, მარუაშვილის და ზაზიშვილის ქუჩების მოსახლეობას.
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: გარდაბნის სანერგე მეურნეობის (ნაწილობრივ), ლოტკინის სანერგე მეურნეობის (ნაწილობრივ), რეხის დასახლების, ხაჩატურიანის, რეხის, ენუქიძის, გაბისკირიას, ყუბანეიშვილის, ჟორდანიას, თამარ და აკაკი პაპავების, ჯინჭარაძე, ლოლაძის, მახათას, ცაიშის, დადიანი-ანჩაბაძის, აგიაშვილის, ივერთუბნის, ბარაკონის, კარტოზიას, ხორნაულის, ყანჩელის, დოლიძის, გაბუნიას, ბეთაშვილის, ალავერდის, ახალი რეხის, ვალერიან კანდელაკის, მახათას, თამარ მამულაშვილის, მარინე უთმელიძის, გურამ გაბისკირიას, რაულ ეშბას, ალოიზ მიზანდარის და ანასტასია თუმანიშვილი-წერეთლის ქუჩების მოსახლეობას.
კრწანისის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: რუსთავის გზატკეცილის (ნაწილობრივ), სოფელი ფონიჭალას, ფონიჭალის დასახლების, ქვემო ფონიჭალის დასახლების, ვაგზლის, გულიკო გოდოლაძის, ევსტათი მცხეთელის, შოთა ნიშნიანიძის და სადგურის ქუჩების მოსახლეობას.
ვაკის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), მოსაშვილის, ბერძენიშვილის, დარიალის, კავსაძის და ფალიაშვილის ქუჩების მოსახლეობას.
გადაუდებელი სამუშაოების გამო 10:00 საათიდან 19:00 საათამდე შეზღუდვა შეეხება: ილია ჭავჭავაძის გამზირის (ნაწილობრივ), დიდიმ მირცხულავას, ირაკლი აბაშიძის, ფალიაშვილის, არაყიშვილის და ბაზალეთის ქუჩების მოსახლეობას.
