,
არც პუტინი და არც ზელენსკი მშვიდობისთვის მზად არ არიან, - ამის შესახებ ბრაზილიის პრეზიდენტმა ლუის ინასიო ლულა დე სილვამ განაცხადა.
„ვიდრე ბრაზილია უკრაინაში მშვიდობის დასამყარებლად მუშაობს, არც უკრაინის და არც რუსეთის პრეზიდენტს არ სურთ ერთმანეთთან საუბარი. სამშვიდობო შეთანხმება კი შესაძლებელი იქნება მხოლოდ მაშინ, როდესაც ისინი მოლაპარაკებისთვის მზად იქნებიან,“-აღნიშნა ბრაზილიის ლიდერმა.
მაშინ, როდესაც უკრაინაში კონფლიქტი ესკალაციის ახალ ფაზაში შევიდა, კვლავ გააქტიურდა დისკუსიები უკრაინის ტერიტორიაზე დასავლური ჯარებისა და კერძო თავდაცვითი კომპანიების გაგზავნის შესახებ, - წერს ფრანგული გაზეთი Le Monde-ი წყაროებზე დაყრდნობით.
„დიდ ბრიტანეთსა და საფრანგეთს შორის მიმდინარეობს დისკუსიები თავდაცვის სფეროში თანამშრომლობასთან დაკავშირებით, განსაკუთრებით ევროპაში მოკავშირეთა ძირითადი ჯგუფის შექმნის მიზნით, რომელიც ორიენტირებულია უკრაინასა და უფრო ფართო ევროპულ უსაფრთხოებაზე“, - განუცხადა Le Monde-ს ბრიტანულმა სამხედრო წყარომ.
ფრანგული გაზეთი აღნიშნავს, რომ უკრაინაში დასავლური ჯარების ან კერძო კომპანიების გაგზავნის შესახებ დისკუსიები 2023 წლის ბოლოდან შორ მანძილზე მოქმედი იარაღის მიწოდების გაზრდის ფონზე განახლდა.
წყაროების განცხადებით, უკრაინელებს არ შეუძლიათ ამ ტიპის რაკეტების გამოყენება ადგილზე დასავლური მხარდაჭერის გარეშე.
