,
ტრამპის პრეზიდენტობა შეიძლება იყოს სწორედ ის, რაც მსოფლიოს სჭირდება, - წერს დიდი ბრიტანეთის ყოფილი პრემიერ-მინისტრი, ბორის ჯონსონი გამოცემა Daily Mail-ზე გამოქვეყნებულ სტატიაში.
"ჟურნალ The Economist-ის მიხედვით: "დონალდ ტრამპი ყველაზე დიდ საფრთხეს უქმნის მსოფლიოს 2024 წელს". მე მიყვარს The Economist-ი. მაგრამ მაინტერესებს არის თუ არა ვინმე [ჟურნალის] თანამშრომლებს შორის, ვისაც დააინტერესებს, ხომ არ აჭარბებენ. ყველაზე დიდი საფრთხე მსოფლიოსთვის? ტრამპი? თუ დააკვირდებით ფაქტებს, შეგიძლიათ რეალურად დაამტკიცოთ, რომ ტრამპის პრეზიდენტობა შეიძლება იყოს სწორედ ის, რაც მსოფლიოს სჭირდება", - წერს ბორის ჯონსონი.
დიდი ბრიტანეთის ყოფილმა პრემიერ-მინისტრმა ასევე ისაუბრა დონალდ ტრამპზე უკრაინის დახმარების ჭრილში.
"ამერიკის რომელი პრეზიდენტი იყო პირველი, ვინც დაუჭირა მხარი უკრაინას 2014 წელს პუტინის შეჭრის შემდეგ? იყო თუ არა ეს დიადი ლიბერალი ინტერნაციონალისტი ბარაკ ობამა? არა. მას არაფერი გაუკეთებია იმისათვის, რომ პუტინი განედევნა უკრაინიდან. [...] სწორედ დონალდ ტრამპმა მისცა უკრაინელებს Javelin-ის ტანკსაწინააღმდეგო იარაღი, რომელიც ასე ღირებული იყო უკრაინელებისთვის კიევისთვის ბრძოლაში და ნაწილობრივ მაინც, ტრამპის ამ თამამი გადაწყვეტილების წყალობით, უკრაინელებმა შეძლეს მსოფლიო განცვიფრება და პუტინის ჯარების განდევნა უკრაინის დედაქალაქიდან", - აღნიშნავს ბორის ჯონსონი.
"მე უბრალოდ ვერ დავიჯერებ, რომ ტრამპი უკრაინელებს მიატოვებს. [...] მე ვფიქრობ, რომ დიდი შანსია, რომ ის გააორმაგებს ძალისხმევას და დაასრულებს იმას, რაც დაიწყო - მისცემს [უკრაინელებს] იმას, რაც მათ მოსაგებად სჭირდებათ", - ნათქვამია სტატიაში.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
