,
დიდი ბრიტანეთის ყოფილმა პრემიერ-მინისტრმა, ბორის ჯონსონმა გააკრიტიკა ნატოს ვილნიუსის სამიტის გადაწყვეტილება უკრაინასთან დაკავშირებით და აღნიშნა, რომ ალიანსი უფრო გაბედული უნდა იყოს და უკრაინა მიიღოს თავის რიგებში.
„სამწუხაროდ, ვილნიუსის სამიტის დასკვნები არ არის უფრო მტკიცე და დამაჯერებელი, ვიდრე 2008 წლის ბუქარესტის სამიტის დასკვნები, სადაც ნათქვამია, რომ „ჩვენ შევთანხმდით, რომ ეს ქვეყნები [უკრაინა და საქართველო] გახდებიან ნატოს წევრები“, - აღნიშნა ბორის ჯონსონმა.
ბრიტანეთის ყოფილი პრემიერის თქმით, ის, რაც უკრაინელებმა მიიღეს, იყო „მოწვევა“ ნატოში გაწევრიანებისთვის, „როდესაც მოკავშირეები შეთანხმდებიან და როდესაც პირობები დაკმაყოფილდება“ და აღნიშნა, რომ გასაკვირი არ არის, რომ პრეზიდენტ ზელენსკის თავიდან გაუჭირდა იმედგაცრუების დამალვა.
„როდის ავითვისებთ გასული 20 წლის განმავლობაში პუტინთან ურთიერთობის გაკვეთილს? ჩვენი გაურკვევლობისა და მერყეობის გამო შეიჭრა ის უკრაინაში. ვიდრე ის ფიქრობს, რომ არსებობს შანსი დააბრუნოს უკრაინა მოსკოვის ორბიტაზე, ვიდრე ფიქრობს, რომ შეძლებს საბჭოთა კავშირის ხელახლა შექმნას, ის ამას შეეცდება“, - განაცხადა ბორის ჯონსონმა.
