,
ბოლო 24 საათში რუსეთში კორონავირუსით ინფიცირებულთა რიცხვი რეკორდულად- 9 623-ით გაიზარდა. ოფიციალური სტატისტიკით, გარდაიცვალა 53 ადამიანი.
ამ დროისთვის, ქვეყანაში საერთო ჯამში კორონავირუსის 124 054 შემთხვევაა დაფიქსირებული, ხოლო ვირუსით გარდაცვლილთა რაოდენობა 1222-ს შეადგენს.
კორონავირუსისგან დღევანდელი მონაცემებით სულ 15 013 პაციენტი გამოჯანმრთელდა, კრიტიკულ მდგომარეობაშია 2300 პაციენტი.
აქვე აღსანიშნავია, რომ დღევანდელი მდგომარეობით ერთმანეთს გაუთანაბრდა რუსეთსა და თურქეთში მონაცემები ახალი შემთხვევების კუთხით. თურქეთში 124 375 შემთხვევა ფიქსირდება, თუმცა მსხვერპლი თურქეთში ბევრად დიდია- სულ ფიქსირდება გარდაცვალების 3336 შემთხვევა.
