,
თბილისში, ბოჭორმის ქუჩაზე მდებარე სასროლეთში გუშინ მომხდარი აფეთქების შედეგად დაშავებულ სამ პაციენტს შორის ერთ-ერთი მკურნალობას ხეჩინაშვილის სახელობის საუნივერსიტეტო კლინიკის რეანიმაციულ განყოფილებაში განაგრძობს. 59 წლის მამაკაცს აფეთქების შედეგად სხეულისა და სასუნთქი გზების 20 %იანი დამწვრობა აღენიშნება. დამწვრობის ცენტრის ხელმძღვანელის თქმით, სამივე დაშავებულის მდგომარეობა სტაბილურია. გუგა ქაშიბაძის განმარტებით, დანარჩენი ორი დაშავებული კლინიკის ქირურგიულ განყოფილებაში განაგრძობს ექიმების მეთვალყურეობის ქვეშ მკურნალობას.
სასროლეთში გუშინ მომხდარი აფეთქების ადგილიდან მეხანძრე-მაშველებმა 2 გარდაცვლილი და 4 დაშავებული გამოიყვანეს, რომელთაგან ერთი მოგვიანებით კლინიკაში გარდაიცვალა. გარდაცვლილთაგან 1 შინაგან საქმეთა სამინისტროს თანამშრომელია. დაშავებული პირებიდან ორი მათგანი ასევე შინაგან საქმეთა სამინისტროს თანამშრომელი, ხოლო ერთი, მაღაზია „ბეთლგრაუნდის" თანამშრომელია.
აფეთქების მიზეზების დასადგენად, გრძელდება საგამოძიებო მოქმედებები.
