,
ისრაელში ვიზიტით მყოფმა აშშ-ის სახელმწიფო მდივანმა, ენტონი ბლინკენმა განაცხადა, რომ „ჰამასმა“ ღაზაზე კონტროლი არ უნდა შეინარჩუნოს. ინფორმაციას ამის შესახებ ისრაელური მედია ავრცელებს.
"[შეხვედრაზე] პრემიერ-მინისტრმა ნეთანიაჰუმ მკაფიოდ განაცხადა, რომ ისრაელი აპირებს განაახლოს სამხედრო ოპერაცია "ჰამასის" წინააღმდეგ, როდესაც "ჰამასი" შეწყვეტს მძევლების გათავისუფლებას. როგორც თავიდანვე ვთქვით: ისრაელს აქვს უფლება გააკეთოს ყველაფერი, რათა უზრუნველყოს, რომ 7 ოქტომბერს "ჰამასის" მიერ განხორციელებული ხოცვა აღარასოდეს განმეორდეს", - აღნიშნა ენტონი ბლინკენმა.
აშშ-ის სახელმწიფო მდივანმა ასევე განაცხადა, რომ ისრაელს მსოფლიოში ერთ-ერთი ყველაზე დახვეწილი სამხედრო შესაძლებლობები აქვს და მას შეუძლია გაანეიტრალოს "ჰამასის" მიერ წარმოქმნილი საფრთხე და მინიმუმამდე დაიყვანოს უდანაშაულო მამაკაცებისთვის, ქალებისა და ბავშვებისთვის მიყენებული ზიანი.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
