USD 3.0743
EUR 3.6138
RUB 4.1709
თბილისი
ბიზნესმენი ჯემალ ლეონიძე: – „როგორც კი “თიბისი ბანკს” ჩემი ბოლო ქონება – ავჭალაში წყალსადენის ქუჩაზე მდებარე უზარმაზარი ავტობაზა გადავეცი, მამუკა ხაზარაძემ ჩემი თავი იმ დღესვე დააჭერინა”
თარიღი : 08.01.2020 11:31  288

2020 წლის 10 ივლისს “ღამის კურიერში” სტუმრობისას ვანო ჩხარტიშვილმა მრავალწლიანი დუმილი დაარღვია და  მამუკა ხაზარაძეს ის დრო გაუხსენა, როცა  ციხეში მყოფ პატიმრებს “თიბისი ბანკიდან” მილიონიან კრედიტებს უფორმებდა და მერე ბიზნესებს ართმევდა. მაგალითებად დასახელდნენ  ბიზნესმენი თამაზ ელიზბარაშვილი,  “კონსტანტა ბანკის” გენერალური დირექტორი  თამარ ლებანიძე და კომპანია “მაგნატის” ყოფილი მფლობელი, ჯემალ ლეონიძე, რომელსაც მამუკა ხაზარაძე სწორედ თამარ ლებანიძის, ანზორ ქოქოლაძისა და თამაზ ელიზაშვილის მსგავსად მოექცა. სასამართლომ და პროკურატურამ ერთხმად აღიარეს, რომ ლეონიძეს თიბისი ბანკმა” დიდძალი მატერიალური ზარალი მიაყენა და მისი პატიმრობა განპირობებული იყო პოლიტიკური ნიშნით.

ბიზნესმენმა გაზეთ „ასავალ- დასავალს“ ინტერვიუ მისცა, რომელშიც განაცხადა, რომ: „2008 წლის ბოლოს “თიბისი ბანკმა” კომპანია “მაგნატისგან” საბრუნავი თანხების უკან დაბრუნება მოითხოვა, რაც ჩვენთვის კატასტროფის ტოლფასი იყო. საბრუნავი თანხები მთლიანად დავუბრუნეთ, მაგრამ უსახსროდ დავრჩით და ცოტა ხანში ცხონებული ნოდარ ხადურის პირით, რომელიც მაშინ ჩვენი კომპანიის აღმასრულებელი დირექტორი იყო, შემოგვითვალა კომპანია მაგნიტში წილის ყიდვა გვინდაო! მამუკა ხაზარაძეს “თიბისი ბანკის” ცენტრალურ ოფისში შევხვდით.

ვინ ესწრებოდა ამ მოლაპარაკებას?

 -შეხვედრას ვესწრებოდით მე, ნოდარ ხადური, მამუკა ხაზარაძე, ბადრი ჯაფარიძე, ვახტანგ ბუცხრიკიძე და შუამავალი, რომლის დასახელებაც ახლა საჭირო არ არის. მოკლედ, მოლაპარაკებები იმით დასრულდა, რომ როგორც კი “თიბისი ბანკს” ჩემი ბოლო ქონება – ავჭალაში წყალსადენის ქუჩაზე მდებარე უზარმაზარი ავტობაზა გადავეცი, მამუკა ხაზარაძემ ჩემი თავი იმ დღესვე დააჭერინა!

ვინ დაგაპატიმრათ და რა ბრალდებით?

-ფინანსურმა პოლიციამ ვითომდა მიწების თაღლითური გზით მითვისების ბრალდებით დამაპატიმრა და 10 წელი და 6 თვე მომისაჯა. ჩემი კომპანია “მაგნატის” მიტაცება მამუკა ხაზარაძემ, ბადრი ჯაფარიძემ და ვახტანგ ბუცხრიკიძემ კარგად ნაცნობი სქემით განახორციელეს, რომელსაც ისინი სხვა ბიზნესმენების გასანადგურებლადაც იყენებდნენ. კერძოდ, როცა ციხეში ვიყავი, მამუკა ხაზარაძემ ჩემი კომპანიის სახელით გახსნა ტრანზიტული ანგარიში, იმ ანგარიშზე დასვა ის თანხა, რომელიც ჩემი კომპანიისთვის უნდა გადაეხადა – 11 მილიონი დოლარი და მერე ეს თანხა გააქრო. ეს ყველაფერი პროკურატურას გამოძიებული აქვს. სხვათაშორის, 2020 წლის 4 მაისს თბილისის სააპელაციო სასამართლომ სრულად მოახდინა ჩემი რეაბილიტაცია და გამამართლა ყველა იმ ბრალდებაში, რის გამოც სააკაშვილმა და ხაზარაძემ ციხეში გამიშვეს!

მაინც რა ქონება წაგართვათ მამუკა ხაზარაძემ? 

– მამუკა ხაზარაძემ, კეზერაშვილმა, ადეიშვილმა, მერაბიშვილმა და სააკაშვილმა 47 ავტოგასამართი სადგური, 4 ნავთობბაზა, 3 რესტორანი, ერთი ლუდის სახდელი ქარხანა, ერთი ღვინის მიკროქარხანა, რამდენიმე ვილა და მცხეთის საცხოვრებელი წამართვეს! ჩემთვის წართმეული კომპანია “მაგნატი” მამუკა ხაზარაძემ პირადად კეზერაშვილს აჩუქა 1 ლარად და დღეს მას “გალფი” ჰქვია!,“-განაცხადა ჯემალ ლეონიძემ „ასავალ- დასავალთან“ ინტერვიუში.

წყარო:http://geosociety.ge/

სხვა
ბენჟამინ ფრანკლინის ეფექტი

ბევრ ადამიანს არ მოსწონს, როდესაც რაიმეს მისაღებად ხვეწნა უწევს და ამბობენ, რომ სხვა ადამიანისთვის დახმარების თხოვნა  სტერესულია. თუ გავიხსენებთ, ფულის სესხება, ჩვენს მაგივრად რაიმე საქმის გაკეთების თხოვნა მარტივი არ არის. არსებობს მოსაზრება,რომ ადამიანს აღიზიანებს დახმარების თხოვნა. ეს შეხედულება მცდარია. არსებობს ფსიქოლოგიური ფენომენი, რომელსაც „ბენჟამენ ფრანკლინის ეფექტს“ უწოდებენ. ამ ფენომენის მიხედვით, ადამიანს უფრო მეტად მოსწონს  ადამიანი მაშინ, როდესაც ის დახმარებას სთხოვს.

წიგნის, You Are Not So Smart,  ავტორი დევიდ მაკრენი ხსნის, თუ როგორ დაერქვა ამ ფენომენს ეს სახელი. ბენჟამენ ფრანკლინს ჰყავდამოძულე, გავლენიანი სახელმწიფო მოხელე. ფრანკლინმა, ამ ადამიანის კეთილგანწყობა  გადაწყვიტა და ასეთი რამ მოიფიქრა, ფრანკლინმა მისი ბობლიოთეკიდან წიგნი სთხოვა. მოძულემ წიგნი ათხოვა, ფრანკლინმა კი იგი ერთ კვირაში მადლობის წერილით დაუბრუნა.ამის შემდეგ, მათ შორის ურთიერთობები დათბა,  ისინი ერთმანეთს  მეგობრულად ხვდებოდნენ და როგორც ფრანკლინმა თქვა, მათი მეგობრობა ყოფილი მოძულის სიკვდილამდე გაგრძელდა.

1969 წელს ფსიქოლოგებმა „ბენ ფრანკლინის ეფექტის“ შემოწმება გადაწყვიტეს და მის სისწორეშიც დარწმუნდნენ,  კვლევის ფარგლებში ყველა მონაწილეს ფული მოაგებინეს. ცოტა ხანში, მონაწილეთა ერთ მესამედს დაუკავშირდა ერთერთი თანამშრომელი, რომელმაც მონაწილეებს უთხრა,  რომ ფსიქოლოგიის დეპარტამენტმა კვლევის ფარგლებში ძალიან დიდი ფული დახარჯა და გაკოტრების წინაშე იყო.  თანაშემწემ, მონაწილეების ერთ მესამედს ფულის დაბრუნება სთხოვა. მონაწილეთა მეორე მესამედს თავად ექსპერიმენტატორი დაუკავშირდა, მან მონაწილეებს აუხსნა, რომ კვლევა მისი ჯიბიდან დაფინანსდა, უსახსროდ დარჩა და ფულის დაბრუნება ითხოვა. კვლევის მესამე ნაწილს მოგებული ფული შეუნარჩუნეს.

ამ უცნაური კვლევის შედეგებმა აჩვენა, რომ ექსპერიმენტატორის მიმართ ყველაზე დადებითი ემოციები იმ ადამიანებს ჰქონდათ, რომლებსაც თავად ექსპერიმენტატორი დაუკავშირდა, ხოლო ყველაზე ნაკლებად მათ - ვინც ფული დაიტოვა. ესე იგი, კვლევის შედეგებმა დაადასტურა,  რომ ადამიანს სხვა ადამიანი  დახმარების შემდეგ უფრო მოსწონს, რასაც  მკვლევარები „კოგნიტური დისონანსით“ ხსნიდნენ. მკვლევარების აზრით, რთულია ადამიანს არ მოსწონდეს ის ადამიანი, ვისაც ეხმარება.

„ბენჟამენ ფრანკლინის ეფექტთან“ დაკავშირებული კვლევა მოგვიანებით აშშ-სა და იაპონიაშიც ჩატარდა. ორივე ქვეყანაში კვლევის მონაწილეებს ის ადამიანი უფრო მოეწონათ, რომლებმაც პროექტის დასრულებისთვის დახმარება ითხოვეს. საინტერესოა ის ფაქტიც, რომ ბენჟამენ ფრანკლინის ეფექტი პირდაპირ თხოვნისას ვლინდება, რაც კვლევამაც დაადასტურდა  მონაწილეებს არ მოეწონათ, როდესაც დახმარება ასისტენტმა და არა კვლევის ავტორმა ითხოვა.

ტოკიოს უნივერსიტეტის ფსიქოლოგი, იუ ნიია ამბობს, რომ „ბენჟამენ ფრანკლინის ეფექტს“ კოგნიტური დისონანსი არ იწვევს. მისი აზრით, ადამიანი თვლის, რომ დახმარებას ის თხოვს, ვინც მის მიმართ დადებითადაა განწყობილი, შესაბამისად მოწონებითვე პასუხობს. „ორმხრივი მოწონების“ ცნობილი ფენომენი გამოხატავს ადამიანის მიდრეკილებას, მოსწონდეს ის, ვისაც ის მოსწონს, ანუ, ადამიანებს მოსწონთ და ეხმარებიან მათ,  ვინც მათ დახმარებას სთხოვს.

2007 წელს ჯერი ბურგერმა და მისმა კოლეგებმა სანტა კლარას უნივერსიტეტიდან ჩაატარეს სამი ექსპერიმენტი, რომლის  მიზანი  იყო დაედგინა დახმარების გავლენა  მეგობრობრულ ურთიერთობაზე . ერთ-ერთ კვლევის მიხედვით, რომელშიც 105-მა სტუდნეტმა მიიღო მონაწილეობა, დადგინდა, რომ მონაწილეები სხვის თხოვნას (მაგ: ფანქრის გათლა) უფრო მეტად ასრულებდნენ მაშინ, როდესაც თხოვნამდე მოულოდნელ „საჩუქარს“ იღებდნენ, მაგალითად ჭიქა წყალს.

არიზონას უნივერსიტეტის ფსიქოლოგი და წიგნის, Influence, ავტორი რობერტ ჩიალდინი, HBR-თან 2013 წელს მიცემულ ინტერვუში ამბობს, რომ მადლობის მიღების შემდეგ, ადამიანმა „არაფრის“ ნაცვლად უნდა უპასუხოს ასე-  „რა პრობლემაა, პარტნიორები ასე იქცევიან“.

 „ბენჟამენ ფრანკლინის ეფექტის“ მთავარი სათქმელი არის ის, რომ ადამიანს არასდროს უნდა მოერიდოს დახმარების თხოვნა. პირიქით, თხოვნა კეთილგანწყობის მოპოვების  სტრატეგიულ მექანიზმადაც კი შეიძლება გამოვიყენოთ, როგორც ეს ბენჟამენ ფრანკლინმა გააკეთა.

სრულად
გამოკითხვა
თქვენი აზრით, გამართლებულია თუ არა სატელევიზიო მედიის მხრიდან ბოლო დროს მომხდარი გახმაურებული დანაშაულებების გაშუქების ფორმა და ინტენსივობა?
ხმის მიცემა
სხვათა შორის

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.