,
აშშ-ის ფედერალური რეზერვის მიერ მონეტარული პოლიტიკის შემსუბუქებასთან დაკავშირებული მოლოდინების ზრდასთან ერთად, ბიტკოინის ფასმა ხუთშაბათს ახალ რეკორდულ ნიშნულს მიაღწია.
საბაზრო კაპიტალიზაციის მიხედვით მსოფლიოში უდიდესი კრიპტოაქტივი აზიის საფონდო ბირჟაზე ვაჭრობის დასაწყისში 0.9%-ით გაიზარდა და 124,002.49 აშშ დოლარს მიაღწია, რითაც ივლისში დაფიქსირებულ პიკს გადააჭარბა. სიდიდით მეორე კრიპტო-ტოკენის, ეთერიუმის ფასმა კი 4,780.04 აშშ დოლარს მიაღწია, რაც 2021 წლის ბოლოდან მოყოლებული ყველაზე მაღალი მაჩვენებელია.
აღსანიშნავია, რომ ბიტკოინის ფასი 2025 წლის დასაწყისიდან თითქმის 32%-ით გაიზარდა, რაც პრეზიდენტ დონალდ ტრამპის თეთრ სახლში დაბრუნების შემდეგ სექტორისთვის დიდი ხნის ნანატრი მარეგულირებელი გამარჯვებების შედეგია.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
