,
Microsoft-ის დამფუძნებელმა ბილ გეითსმა განაცხადა, რომ თითქმის მთელს თავის ქონებას საქველმოქმედო ფონდს გადასცემს, რომელიც ახლა უკვე ყოფილ ცოლთან, მელინდასთან ერთად დაარსა. ამის შესახებ CNN-ი იტყობინება.
„პრაქტიკულად მთელი ჩემი ქონების ფონდისთვის გადაცემას ვგეგმავ. საბოლოო ჯამში, ყველაზე მდიდარი ადამიანების სიას დავტოვებ. ვალდებული ვარ ჩემი რესურსები საზოგადოებას დავუბრუნო ისეთი ხერხით, რომელიც ყველაზე დიდ გავლენას იქონიებს ადამიანების ტანჯვის შემცირებასა და სიცოცხლის გაუმჯობესებაზე. იმედი მაქვს, რომ სხვები, ვინც ძალიან მდიდარ და პრივილეგირებულ თანამდებობებს იკავებენ, ასევე გადადგამენ ამ ნაბიჯს“, - დაწერა გეითსმა Twitter-ზე.
მან ასევე აღნიშნა, რომ ბოლო რამდენიმე წლის განმავლობაში მსოფლიომ რამდენიმე საშინელ დარტყმა გადაიტანა, მათ შორის კორონავირუსის პანდემია და ომი უკრაინაში, რამაც ბევრი ადამიანი დათრგუნა და დააფიქრა იმაზე გახდება თუ არა სამყარო უარესი.
„მაგრამ მე კვლავ ოპტიმისტურად ვარ განწყობილი“, - აღიარა გეითსმა და დასძინა, რომ ზარალის ანაზღაურება და პროგრესისკენ დაბრუნება შესაძლებელია.
ბილ და მელინდა გეითსებმა საქველმოქმედო ფონდი 2000 წელს დააარსეს, ფონდის რესურსების ნახევარი წყვილს ინვესტორმა უორენ ბაფეტმა გამოუყო. ყოველწლიურად ფონდი ქველმოქმედებაზე 6 მილიარდ დოლარს ხარჯავდა, თუმცა ახლა ეს თანხა 9 მილიარდამდე გაიზარდა. ამისთვის, გეითსმა ფონდში 20 მილიარდი უკვე გადარიცხა.
Bloomberg-ის მონაცემებით, გეითსის ქონება 114 მილიარდ დოლარს შეადგენს და ამ მაჩვენებლით ის მსოფლიოში მეოთხე ადგილს იკავებს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
