,
კლიმატის ცვლილების პრობლემის მოგვარება კაცობრიობის ყველაზე საოცარი მიღწევა იქნება, - ამის შესახებ ბილ გეიტსმა BBC-სთან ინტერვიუში განაცხადა.
ამასთან, Microsoft-ის დამფუძნებელი მიიჩნევს, რომ კორონავირუსის პანდემიის დასრულება „ძალიან, ძალიან მარტივი“ იქნება. კლიმატის ცვლილებასთან ბრძოლას ეხება გეიტსის ახალი წიგნი „როგორ ავიცილოთ თავიდან კლიმატური კატასტროფა“. მასში მილიარდერი პრობლემის გადაწყვეტის გზებზე საუბრობს. კერძოდ, ის აღნიშნავს, რომ ყოველწლიურად კაცობრიობა ატმოსფეროში 51 მილიარდ ტონა სათბურის გაზს აგდებს. გეიტსის თქმით, ეს მაჩვენებელი ნულამდე უნდა დაიწიოს და ეს მომდევნო 30 წლის განმავლობაში უნდა მოხდეს.
მისი აზრით, კაცობრიობა ენერგიის განახლებად წყაროებზე უნდა გადავიდეს, ეს ცვლილებები კი მთავრობებმა უნდა დაიწყონ. „ფასების მეშვეობით უნდა ვანიშნოთ კერძო სექტორს, რომ მწვანე პროდუქტები გვინდა“, - აცხადებს გეიტსი. მილიარდერი აცხადებს, რომ წინააღმდეგ შემთხვევაში კატასტროფის თავიდან აცილება პრაქტიკულად შეუძლებელი იქნება, განსაკუთრებით მათთვის, ვინც ეკვატორთან ცხოვრობს. მილიარდერი ასევე ხაზგასმით აღნიშნავს, რომ აშშ-ის „რესპუბლიკურმა პარტიამ“ კლიმატის ცვლილებასთან ბრძოლის მნიშვნელობა უნდა გაიაზროს.
წყარო: https://www.bbc.com/
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
