,
მსოფლიო ჯანდაცვის კრიზისის დროს ჯანდაცვის მსოფლიო ორგანიზაციისთვის დაფინანსების შეწყვეტა ზუსტად ისეა საშიში, როგორც ეს ჟღერს, – ასე გამოეხმაურა კომპანია „მაიკროსოფტის“ დამფუძნებელი ბილ გეითსი აშშ-ის პრეზიდენტის, დონალდ ტრამპის მიერ, ჯანდაცვის მსოფლიო ორგანიზაციისთვის დაფინანსების შეწყვეტის საკითხს. ბილ გეითსის თქმით, ჯანდაცვის მსოფლიო ორგანიზაცია მთელს მსოფლიოს ახლა ისე სჭირდება, როგორც არასდროს. „მსოფლიო ჯანდაცვის კრიზისის დროს ჯანდაცვის მსოფლიო ორგანიზაციისთვის დაფინანსების შეწყვეტა ზუსტად ისეა საშიში, როგორც ჟღერს. მათი საქმეა, რომ „კოვიდ-19“-ის გავრცელება შემცირდეს და თუ ეს საქმე შეჩერდება, ვერც ერთი სხვა ორგანიზაცია ვერ ჩაანაცვლებს. მსოფლიოს სჭირდება ჯანდაცვის მსოფლიო ორგანიზაცია“, – წერს ბილ გეითსი მიკრობლოგ „ტვიტერზე“.
