,
.jpg)
მილიარდერი და ფილანტროპი ბილ გეიტსი მიიჩნევს, რომ მდიდარი ქვეყნების მცხოვრებლებმა მხოლოდ სინთეტიკური ხორცი უნდა გამოიყენონ, რათა ატმოსფეროში კლიმატის ცვლილებების გამომწვევი სათბურის გაზების გამოყოფა შეამცირონ. ამის შესახებ გეიტსი თავის ახალ წიგნში „როგორ ავიცილოთ თავიდან კლიმატური კატასტროფა“ წერს.
გეიტსი მიიჩნევს, რომ კლიმატის ცვლილებასთან ბრძოლაში არა მარტო ტექნოლოგიური გადაწყვეტილებები, არამედ პოლიტიკური ნებაც არის საჭირო. ამიტომ Microsoft-ის დამფუძნებელი ფიქრობს, რომ მთავრობებმა ნახშირორჟანგის გამოყოფაზე ტარიფები უნდა გაზარდონ და მწვანე ენერგიაში მეტი ინვესტიცია განახორციელონ, მათ შორის ხელოვნური ხორცის წარმოების სფეროში.
„არა მგონია, რომ 80 უღარიბესი ქვეყანა სინთეტიკურ საქონლის ხორცზე გადავა. ვფიქრობ, რომ ამ პროდუქტზე ყველა მდიდარი ქვეყანა 100%-ით უნდა გადავიდეს. გემოს განსხვავებასთან შეჩვევა შეიძლება“, - წერს გეიტსი.
ამასთან, მილიარდერი კომპანიების Beyond Meat და Memphis Meats ინვესტორია, რომლებიც ხორცს ლაბორატორიებში აწარმოებენ. გასული წლის დეკემბერში ამერიკულმა კომპანიამ Eat Just სინგაპურში ხელოვნური „ქათმის ხორცის“ გაყიდვის ნებართვა მიიღო.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
