,
გაზაფხულის დადგომასთან ერთად ბიზნესიც იღვიძებს, ფერმერებს ამ სეზონზე განსაკუთრებით ბევრი სამუშაო აქვთ შესასრულებელი, იმისათვის, რომ წელი წარმატებული იყო, მნიშვნელოვანია როგორი იქნება წლის დასაწყისი.
ბეჟან გონაშვილს, რომელიც კახეთში, დედოფლისწყაროს რაიონში მესაქონლეობას ეწევა, წინ დატვირთული სეზონი ელის. რაიონში არსებულ 4 ფერმაში ბეჟან გონაშვილს 4000-მდე ცხვარი და 200-მდე მსხვილფეხანი პირუტყვი ჰყავს, ფარა ზამთრის საძოვარზე მდინარე ივრის პირას, დალის მთაზე დაჰყავს.
ფერმერმა თიბისის ფინანსური მხარდაჭერითა და შეღავათიანი აგრო-კრედიტის გამოყენებით შეძლო რაიონში ოთხივე ფერმის აშენება და ასევე, სასაწყობო მეურნეობის გამართვა, სადაც საქონლისთვის საჭირო საკვებს ინახავენ.
„დედოფლისწყაროში, მდინარე ივრის პირზე მდებარეობს დალის მთა, სადაც ცხვარი და მსხვილფეხა პირუტყვი გამოსაზამთრებლად მიგვყავს. ჩვენს ფარაში 4000 -მდე ცხვარია, ამიტომ სეზონურად ამაში 12-დან 28 ადამიანამდე მეხმარება. ზოგადად ჩვენს რაიონში მესაქონლეობა წამყვანი საქმიანობაა და ეს დარგი წლიდან წლამდე ვითარდება,“ - ბეჟან გონაშვილი, „დალი მთა +“ - ის დამფუძნებელი და დირექტორი.
ამ საქმიანობით გონაშვილების ოჯახი 1992 წლიდან არის დაკავებული. მიღებული მატყლის და საქონლის ხორცის რეალიზაცია ბაზარზე ახდენენ. უკვე რამდენიმე წელია გონაშვილების ფერმაში წარმოებული ხორცი მარკეტები ქსელ „წერტში“ იყიდება, როგორც ბეჟან გონაშვილი ამბობს, ამჟამად მათი პროდუქცია მხოლოდ „წერტში“ იყიდება.
გაიგე მეტი თიბისის აგრო სესხის შესახებ - https://link.tbc.ge/Agro-Business
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
