გაოცებული დავრჩი რეაქციებით, მეგონა, მცხეთელი დიდგვაროვანი ქალის სამარხში აღმოჩენილი ამ ძვირფასი საწერი კალმების და სამელნის შესახებ ყველამ იცოდა.
კალმები და სამელნე მიკვლეულია ქალის სამარხში, რომელიც მე-3 საუკუნეს ეკუთვნის (ქვასამარხი №14), საერთოდ, მცხეთაში აღმოჩენილი საწერი მოწყობილობების უმეტესობა ქალთა სამარხებშია მიკვლეული, ეს არქეოლოგიური მონაცემი კარგად უდგება ძველ ქართულ საისტორიო ტრადიციას, რომელიც მე-3-4 საუკუნეებში ქართლში მწერალ ქალებს იხსენიებს (სიდონიას, სალომეს და პეროჟავრს).
საწერი მოწყობილობის პენალზე გამოსახულია მენანდრე - (კომედიოგრაფი), ჰომეროსი, დემოსთენე (ცნობილი რიტორი).
ასევე მუზები: კლიო (ისტორიის), ევტერპე (პოეზიის), თალია (კომედიის), მელპომენე (ტრაგედიის), ტერფსიქორე (ცეკვის), ერატო (ეროტიკული ნაწარმოებების), პოლიმნია (ჰიმნების), ურანია (ასტრონომიის), კალიოპე (ეპოსის).
ბერძნული წარწერის მიხედვით, ეს ძვირფასი საწერი მოწყობილობა ეკუთვნოდა მეფე უსტამოსს, საინტერესოა, რომ მამაკაცის ეს საკუთრება ბოლოს №14 ქვასამარხში დაკრძალული დიდგვაროვანი ქალის საკუთრებად იქცა, ზემოთ უკვე აღვნიშნეთ, რომ მცხეთაში მიკვლეული საწერი მოწყობილობების უმეტესობა ქალების სამარხებშია მიკვლეული.
