,
ისრაელის პრემიერ-მინისტრის, ბენიამინ ნეთანიაჰუს განცხადებით, ისრაელმა სერიოზული დარტყმა მიაყენა ირანის თავდაცვის უნარიანობასა და რაკეტების წარმოებას. მისი თქმით, ისრაელის საპასუხო დარტყმა ირანის მთელს ტერიტორიაზე განხორციელდა და ყველა სამიზნე წარმატებით განადგურდა.
„შაბათს, დილის საათებში შევასრულეთ ჩვენი დაპირება. საჰაერო ძალებმა ირანზე იერიში მიიტანეს. ირანზე თავდასხმა ზუსტი და ძლიერი იყო და ყველა სამიზნეს მიაღწია. „ჰამასი“ და „ჰეზბოლა“, რომლებიც წლების განმავლობაში ემზადებოდნენ ისრაელის წინააღმდეგ ძალის გამოსაყენებლად, აღარ არიან ეფექტიანი იარაღი ირანის მარიონეტულ არენაზე“, - განაცხადა ნეთანიაჰუმ.
ისრაელმა ირანზე ავიაიერიში 26 ოქტომბრის ღამე განახორციელა. ისრაელში აცხადებენ, რომ ეს იყო პასუხი თეირანის მხრიდან „თვეების განმავლობაში უწყვეტ შეტევებზე“.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
