,
ბელგიის ლუდის მწარმოებელთა ფედერაცია მთავრობას რესტორნებისა და ბარების გახსნის მოთხოვნით მიმართავს. ფედერაციის წარმომადგენლები აცხადებენ, რომ საჭიროა ხელისუფლებასთან კონკრეტულ გეგმაზე მუშაობის დაწყება და მეტი სიცხადეა აუცილებელი, თუ რას აპირებს ბელგიის ხელისუფლება.
ფედერაცია ლუდის 100 მწარმოებელ კომპანიას წარმოადგენს, სადაც აცხადებენ, რომ ბელგიაში ლუდის მწარმოებლებს მეორე მსოფლიო ომის შემდეგ ასეთი კრიზისი არ ჰქონიათ.
„მოდის გაზაფხული და ჩვენი სტუმრები ღია კაფეებსა თუ რესტორნებში ამჯობინებენ დასხდომას. მზად ვართ წესების დასაცავად, რაც გულისხმობს სტუმრების უსაფრთხოებაზე ზრუნვას, ვირუსის გავრცელების შესამცირებლად საჭირო ფიზიკური დისტანციის დაცვას და მაგიდების ირგვლივ დამცავი ფარების დამონტაჟებას.
თუ ეპიდემიოლოგიური თვალსაზრით, ყველა პარამეტრი სტაბილურია, მაშინ ვერ ვხედავთ მიზეზს, თუ რატომ უნდა იყო ყველა რესტორანი, ბარი და კაფე დაკეტილი“, - აცხადებს ფედერაციის პრეზიდენტი კრიშან მაუდგალი.
ბელგიაში ვირუსის გავრცელების შესამცირებლად არასრული ე.წ. ლოკდაუნი მოქმედებს. ბარები, რესტორნები და ღამის კლუბები პირველი ტალღის დროს დაიკეტა და ზაფხულში გაიხსნა.
ქვეყანაში მეორე ტალღის დაწყებისთანავე ხელისუფლებამ რესტორნებს მოუწოდა 22:00 საათამდე ემუშავათ და ოქტომბრიდან მათი ხელახლა დაკეტვის გადაწყვეტილება მიიღო. ბელგიაში 20:00 -ის შემდეგ აკრძალულია ალკოჰოლური სასმელების გაყიდვა.
პირველ მარტამდე ბელგიას აკრძალული აქვს არააუცილებელი მგზავრობა. ტურიზმის მიზნით ბელგიიდან გასვლა და შემოსვლა აკრძალულია.
ბელგიას განსაკუთრებული შემთხვევების გარდა დაკეტილი აქვს საზღვრები მესამე ქვეყნების მოქალაქეებისათვის. წითელი ზონიდან ბელგიაში შესულ ყველა მგზავრზე დაწესებულია სავალდებულო კარანტინი და კოვიდ-19 ზე ტესტის ჩატარება.
ბელგიიდან ევროკავშირის სხვა ქვეყნებში აუცილებელი მგზავრობისთვის სავალდებულოა ტესტის გაკეთება, რომლის ღირებულებაც 68 ევროს შეადგენს.
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
