ინტერპოლის ლიბანის ოფისის მოთხოვნით ბეირუთში მომხდარ აფეთქებასთან დაკავშირებით კვიპროსის პოლიციამ რუსი ბიზნესმენი იგორ გრეჩუშკინი დაკითხა.

ბიზნესმენი იმ გემის მფლობელია, რომლითაც 2013 წელს ბეირუთში ასაფეთქებელი ნივთიერება ჩაიტანეს.

კვიპროსის პოლიციის პრეს-სპიკერის განმარტებით, იგორ გრეჩუშკინს კითხვები ტვირთთან დაკავშირებით დაუსვეს, რომელიც გემს საქართველოდან მოზამბიკიში გადაჰქონდა, თუმცა ის არ დაუკავებიათ.

ლიბანის დედაქალაქ ბეირუთში სამი დღის ძლიერ აფეთქება მოხდა, რომელსაც მედიის ინფორმაციით, სულ მცირე 157 ადამიანის სიცოცხლე ემსხვერპლა, დაშავებულთა რიცხვი კი 5000-ს აღწევს. ქვეყნის ოფიციალური პირები მომხდარს ასაფეთქებელი ნივთიერებების საწყობს უკავშირებენ, სადაც, მათი განმარტებით, 2 750 ტონა ამონიუმის ნიტრატი 6 წლის განმავლობაში უსაფრთხოების ნორმების დაცვის გარეშე ინახებოდა. მიმდინარე გამოძიების ფარგლებში ლიბანელმა სამართალდამცავებმა 16 პირი დააკავეს.