,
პორტუგალიაში მიმდინარე ბატუტზე ხტომაში ევროპის ჩემპიონატზე საქართველოს ქალთა ნაკრებმა გუნდურ ასპარეზობაში ვერცხლის მედლები მოიპოვა. ამის შესახებ ინფორმაციას საქართველოს ტანვარჯიშის ფედერაცია ავრცელებს.
საქართველოს ნაკრებმა, რომლის შემადგენლობაში შედიან ლუბა გოლოვინა, მარიამ რაგიმოვი, ანანო აფაქიძე და თეონა ჯანჯღავა, წარმატებით გაართვა თავი საკვალიფიკაციო ეტაპს და პირველი ადგილით მოხვდა ფინალში.
ფინალში საქართველოს ნაკრებს ძალიან ცოტა დააკლდა საფრანგეთის ნაკრების დამარცხებამდე და საბოლოო ჯამში ქართველი სპორტსმენები ვერცხლის მედლებს დასჯერდნენ.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
