,
G.Miller International Georgia-ს დირექტორი ნიკოლოზ ურუშაძის შეფასებით, ბათუმისა და თბილისის უძრავი ქონების ბაზარი სწრაფი ტემპით ვითარდება, თუმცა გრძელვადიან პერიოდში ამან გარკვეული პრობლემებიც შეიძლება შექმნას. ამის შესახებ მან BMGTV-ის გადაცემა "საქმიან დილაში" ისაუბრა.
"დღეს ძალიან სწრაფი ტემპით ვითარდება ჩვენი უძრავი ქონების ბაზარი, განსაკუთრებით ბათუმსა და თბილისში. საქართველოს ეკონომიკა მაინც თავკომბალაა და ძირითადად ამ ორ დიდ ქალაქშია თავმოყრილი. როდესაც ეს სფერო არ ექცევა გარკვეული დაგეგმარების სფეროში, მოკლევადიან პერიოდში შეიძლება მიწოდებას აკმაყოფილებდეს, თუმცა გრძელვადიან პერსპექტივაში დიდ პრობლემებს ქმნის. ანუ აქვს თავისი უპირატესობები სწრაფ განვითარებას, მაგრამ აქვს დიდი მინუსებიც, რომლებიც არ ვლინდება ახლო ახლო პერიოდში და ვლინდება უფრო გრძელვადიან პერიოდში. ეს შემდეგ იწვევს სოციალური გარემოს დამძიმებას, მიგრაციას და ა.შ", - ამბობს ურუშაძე.
მისივე თქმით, სახელმწიფოს უძრავი ქონების ბაზრის განვითარების ხელშეწყობა ბევრი მიმართულებით შეუძლია.
"სახელმწიფოს უძრავი ქონების ბაზრის გაუმჯობესებისთვის მთელი რიგი რეფორმები შეუძლია გაატაროს. მაგალითად, ინფორმაციის უკეთესი მიწოდება, ვგულისხმობ რეესტრის ბაზებს. ასევე საკონსულტაციო ბიზნესი საერთოდ დღგ-სგან უნდა განთავისუფლდეს, განათლების მიმართულებაც არ უნდა იბეგრებოდეს", - ამბობს G.Miller International Georgia-ს დირექტორი.
წყარო:https://bm.ge/
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
