ბათუმის სახელმწიფო მუსიკალურ ცენტრში საბავშვო ქორეოგრაფიული ანსამბლების - „მთაწმინდისა“ და „გენის“ ერთობლივი კონცერტი გაიმართა

дата:

აჭარის ავტონომიური რესპუბლიკის განათლების, კულტურისა და სპორტის სამინისტროსა და ქალაქ ბათუმის მერიის მხარდაჭერით ბათუმის სახელმწიფო მუსიკალურ ცენტრში საბავშვო ქორეოგრაფიული ანსამბლების - „მთაწმინდისა“ და „გენის“ ერთობლივი კონცერტი გაიმართა. ღონისძიებას საქართველოს კულტურისა და სპორტის მინისტრი თეა წულუკიანი და აჭარის ავტონომიური რესპუბლიკის განათლების, კულტურისა და სპორტის მინისტრი მაია ხაჯიშვილი დაესწრნენ. ღონისძიებას ასევე ესწრებოდნენ ბათუმის სახელმწიფო მუსიკალური ცენტრის სამხატვრო ხელმძღვანელი ზვიად ბოლქვაძე, ბათუმის ილია ჭავჭავაძის სახელობის პროფესიული სახელმწიფო დრამატული თეატრის სამხატვრო ხელმძღვანელი, რეჟისორი ალექსანდრე ქანთარია და ცნობილი მსახიობი ზაზა პაპუაშვილი.

ბათუმის სახელმწიფო მუსიკალურ ცენტრში ანსამბლებმა „მთაწმინდამ“ და „გენმა“ ცოცხალი მუსიკალური თანხლების ფონზე ქორეოგრაფიული სპექტაკლი წარმოადგინეს, რომელიც ეხებოდა საქართველოს ისტორიასა და კულტურას. სპექტაკლში 300-ამდე ბავშვი მონაწილეობდა.

წარმოდგენაში გამოყენებული იყო მუსიკა კინოფილმიდან „ფესვები“ (კომპოზიტორი ალექსანდრე რაქვიაშვილის), ასევე, მუსიკალური კომპოზიციები „ავფრინდები და ფრი“ (მუსიკის ავტორი ზვიად ბოლქვაძე, ტექსტის ავტორი მორის ფოცხიშვილი) და „აჭარული ბალადა“( მუსიკის ავტორი გიორგი მოისწრაფიშვილი). ღონისძიების ბოლოს შესრულდა საქართველოს ჰიმნი.

საღამოს რეჟისორი იყო ზაზა სიხარულიძე, მთავარი ქორეოგრაფები - გიორგი ფარსენაძე (,,მთაწმინდა") და გიორგი ონიანი (,,გენი"), მუსიკალური ხელმძღვანელი - იასონ ხომერიკი, სადადგმო ჯგუფის ხელმძღვანელი - ზვიად მურვანიძე, მხატვარი - ბესო ბესელია.

ღონისძიებაში მონაწილეობდნენ ქორეოგრაფები: ნინო სურგულაძე, ზურაბ სვანაძე, ლელა სანაძე, ბაჩი დუმბაძე, სერგო ბაბაიანი, თეონა გორგოძე, კახა კუხალაშვილი, მუსიკოსები: ლაშა ქათამაძე, ამირან ჭაღალიძე, ელგუჯა ჯინჭველეიშვილი, გიორგი მალაყმაძე, რუსლან მახარაძე, გურამ აბულაძე, გიორგი ღოღობერიძე, თემო ბაკურიძე, თენგო ოქრუაშვილი, ანდრო შანიძე, მამულო ზაქარაძე, მარიკა წერეთელი, ლაშა კვერნაძე, ლევან შარვაშიძე, ვიტალი ჩხაიძე, ირაკლი ახალაია.

აღსანიშნავია, რომ ქორეოგრაფიული სპექტაკლი ბათუმის მუსიკალურ ცენტრში ანსამბლების „მთაწმინდისა“ და „გენის“ მონაწილეობით 26 მაისის აღსანიშნავადაც გაიმართა.

общество

ქონების გადასახადის დეკლარაციის წარდგენის ბოლო ვადაა 1 ნოემბერი. რა უნდა ვიცოდეთ და რა უნდა გავითვალისწინოთ?

თუ თქვენი და თქვენი ოჯახის წლიური შემოსავალი ჯამურად 40 000 ლარს აღემატება და ამასთანავე, გაქვთ სახლი ან მიწა ან ავტომობილი, თქვენ ვალდებული ხართ ბიუჯეტში ქონების გადასახადი გადაიხადოთ.

დაინტერესებული ფიზიკური პირებს, რომელთაც ქონების გადასახადის დეკლარაციის წარდგენა უწევთ, შემდეგი პროცედურები უნდა იცოდნენ:

"1. დეკლარაციის წარდგენის ბოლო ვადაა 2025 წლის 1 ნოემბერი.

2. დეკლარაცია საგადასახადო ორგანოს წარედგინება მხოლოდ ელექტრონული ფორმით (ge), გადასახადის გადამხდელის ავტორიზებული მომხმარებლის გვერდიდან.

3. წელს, უნდა წარადგინოთ 2025 წლის წლიური დეკლარაცია, ამიტომ არ შეუცვალოთ დეკლარაციას პერიოდი პორტალზე.

4. წლევანდელ დეკლარაციაში აისახება:

ა) 2025 წლის 1 აპრილის მდგომარეობით საკუთრებაში არსებული მიწა, ასევე სახელმწიფოს/მუნიციპალიტეტის საკუთრებაში არსებული ის მიწა, რომლითაც სარგებლობთ ან რომელსაც ფლობთ ამავე თარიღის მდგომარეობით;

ბ) 2024 სრული/არასრული წლის განმავლობაში საკუთრებაში არსებული უძრავი ქონება (სახლი, ბინა, ავტოფარეხი, კომერციული ფართი), მსუბუქი ავტომობილები, იახტები (კატარღები), შვეულმფრენები, თვითმფრინავები.

5. თუ ქონება (გარდა მიწისა) 2024 წელს თქვენს საკუთრებაში იყო არასრული წლის განმავლობაში, მასზე ქონების გადასახადის გაანგარიშება ხდება 2024 წლის განმავლობაში ამ ქონების თქვენს საკუთრებაში არსებობის დროის პროპორციულად (თვეების რაოდენობას უთითებთ პორტალზე).

6. დასაბეგრ ქონებაზე საგადასახადო ვალდებულება განისაზღვრება 2024 წლის ბოლოსთვის მისი საბაზრო ღირებულების მიხედვით, ხოლო მიწაზე - 2025 წლის 1 აპრილისთვის მისი ფართობის მიხედვით (არასასოფლო მიწაზე - კვ/მ; სასოფლო მიწაზე - ჰა).