,
ბათუმის ახალი სტადიონის მშენებლობაზე პასუხისმგებელი კომპანიის, შპს „სტადიონის“ ცნობით, ახალ არენაზე სოლიდარობის აქცია გაიმართა, საქართველოს ეროვნული ჰიმნი გაჟღერდა და ფასადი საქართველოსა და მეგობარი სახელმწიფოების ეროვნული დროშებით განათდა. „შპს „სტადიონი“ უერთდება აქციას #დარჩისახლში და სოლიდარობის მიზნით ბათუმის საფეხბურთო სტადიონი განათდა ჩვენი მეგობარი ქვეყნების დროშებით“, – წერია შპს „სტადიონის“ ოფიციალურ ვებგვერდზე. შეგახსენებთ, რომ ბათუმის საფეხბურთო სტადიონის მშენებლობის პროცესი შეუჩერებლად მიმდინარეობს. არსებული ეპიდემიოლოგიური გარემოების გათვალისწინებით, სამუშაოების დროს ყველა სახის სანიტარული და უსაფრთხოების ნორმა დაცულია. ბათუმის „დინამოს“ მეპატრონის, არჩილ ბერიძის თქმით, სტადიონზე სამუშაოთა 95 პროცენტი დასრულებულია, ახალი არენის გახსნა 5 მაისს იყო დაგეგმილი – ბათუმის „დინამოს” თბილისის „დინამოსთვის” უნდა ემასპინძლა. თუმცა, კორონავირუსის საფრთხის გამო, ჩემპიონატი შეწყდა და ბუნებრივია, სტადიონის გახსნაც გადავადდა
