,
წყარო:https://bm.ge/
საქართველოში მოქმედმა კომერციულმა ბანკებმა სებ-ს 2023 წლის 5 თვის საქმიანობის ფინანსური ანგარიში წარუდგინეს. დოკუმენტის თანახმად, პერიოდის განმავლობაში კომერციული ბანკების შემოსავლები 24%-ით, 3.4 მილიარდ ლარამდე გაიზარდა. გაზრდილია ბანკების როგორც საპროცენტო, ასევე არასაპროცენტო შემოსავლები. გაცილებით უფრო მეტად, 47%-ით არის გაზრდილი მათი წმინდა მოგება, რაც 1 მილიარდ ლარს შეადგენდა.
ფიზიკური პირების სესხებიდან მიღებულმა შემოსავალმა ბანკებისთვის 1.34 მილიარდი ლარი შეადგინა, რაც წინა წელთან შედარებით 16%-ით არის გაზრდილი. იურიდიული პირების სესხების შემოსავალი კი 891 მილიონი ლარი იყო, რაც წლიურად 18%-ით არის მომატებული.
საბანკო სექტორის არასაპროცენტო შემოსავლები კი 759 მილიონ ლარს შეადგენდა, რაც წინა წელთან შედარებით 33%-ით არის გაზრდილი, მათ შორის ვალუტის გაცვლის ოპერაციებიდან მიღებული წმინდა მოგება 263 მილიონი ლარი, საკომისიოებიდან შემოსავალი 241 მილიონი ლარი, საჯარიმო შემოსავლები კი 35 მილიონი ლარი იყო.
რაც შეეხება საბანკო სექტორის ხარჯებს, ის 2.23 მილიარდ ლარს შეადგენდა. აქედან საპროცენტო ხარჯები 1.26 მილიარდ ლარს შეადგენდა, რაც წინა წელთან შედარებით 18%-ით არის გაზრდილი. მათ შორის ბანკის მომხმარებელთა დეპოზიტებზე დარიცხული საპროცენტო სარგებელი 806 მილიონი ლარი იყო, რაც წლიურად 39%-ით არის გაზრდილი. თავად ბანკების მიერ ნასესხებ სხვა თანხებზე გადახდილი საპროცენტო ხარჯი კი 367 მილიონი ლარი იყო, რაც წლიურად 2%-ით არის შემცირებული.
ბანკებს თავიანთი აპარატის შენახვა 5 თვეში 456 მილიონი ლარი დაუჯდათ, აქ შედის თანამშრომელთა ხელფასები და სხვა სარგებელი, რაც წლიურად 22%-ით არის გაზრდილი.
ბანკებისთვის ფიქსირებული აქტივების შენახვის საფასური კი 125 მილიონს შეადგენდა. სხვა არასაპროცენტო ხარჯები კი 202 მილიონი ლარი იყო. აქტივების შესაძლო დანაკარგების ზარალში ბანკებმა 190 მილიონი ლარი აღრიცხეს, ხოლო მოგების გადასახადის სახით კი 176 მილიონი ლარი გადაიხადეს, რაც წინა წელთან შედარებით 25%-ით არის გაზრდილი. შედეგად, წმინდა მოგების სახით ბანკებს 1 მილიარდი ლარი დარჩათ. ეს თანხა წინა წელთან შედარებით 47%-ით არის გაზრდილი.
თბილისის მერია გადასასვლელ ხიდთან, ცოტნე დადიანისა და სადგურის მოედნის დამაკავშირებელი ესტაკადის მშენებლობას გეგმავს. ახალი ინფრასტრუქტურული პროექტი 2026 წლის ბიუჯეტში უკვე გათვალისწინებულია და მასზე მომდევნო წელს 10 მილიონი ლარი დაიხარჯება, 2027 წელს კი დამატებით 87.5 მილიონი ლარი. მთლიანობაში 280-მეტრიანი ესტაკადის პროექტირება-მშენებლობის წინასწარი სავარაუდო ღირებულება 100 მილიონ ლარს შეადგენს. პროექტზე საგზაო მარშრუტის კვლევაზე 2025 წელს უკვე 2.5 მილიონი ლარი დაიხარჯა.
2026 წლის ბიუჯეტის განმარტებით ბარათში მითითებულია, რომ სარკინიგზო მაგისტრალი ქალაქის ცენტრალურ მონაკვეთს ყოფს იმგვარად, რომ მოედნის პარალელურად არსებულ ქუჩებს შორის დაკავშირებადობა მინიმალურია და აუცილებელია საზოგადოებრივი ტრანსპორტისთვის ახალი ინფრასტრუქტურის შექმნით ქალაქის უბნების დაკავშირებადობა გაუმჯობესდეს.
"ქალაქ თბილისის ცენტრში არსებული რკინიგზის კორიდორი და თანმდევი ინფრასტრუქტურა ქმნის 4-კილომეტრიან მონაკვეთს აღმოსავლეთ-დასავლეთ სატრანსპორტო კავშირის გარეშე, გარდა შეზღუდული რაოდენობის საფეხმავლო კავშირებისა. ეს ისტორიული დაბრკოლება ხელს უშლის თბილისის სატრანსპორტო გეგმის პრიორიტეტებისკენ მისწრაფებას. სადგურის მოედანი მდებარეობს აღნიშნულ ამ 4-კილომეტრიან მონაკვეთში. ის წარმოადგენს დედაქალაქის უმნიშვნელოვანეს სატრანსპორტო „ჰაბს“, სადაც თავს იყრის 61 ავტობუსის მარშრუტი, მეტროს 2 ხაზი, ისევე როგორც საქართველოს რკინიგზის სერვისები. ტერიტორია ემსახურება საათში 330 ავტობუსის სერვისს, საიდანაც მომავალში 150 გამოიყენებს ხიდს. თბილისის სატრანსპორტო გეგმის თანახმად, სადგურის მოედანი ასევე იქნება თბილისის საგარეუბნო რკინიგზის სერვისების თავმოყრის წერტილი, რაც კიდევ უფრო მნიშვნელოვანს გახდის მისი, როგორც სატრანსპორტო ჰაბის ფუნქციას. ამჟამინდელი მდგომარეობით, აღმოსავლეთ-დასავლეთ კავშირის არარსებობა აფერხებს მაღალი ხარისხის ჰაბის განვითარებას, ხშირად 22 ავტობუსის მარშრუტის შეწყვეტა ხდება ვადაზე ადრე ან ახორციელებენ 1.5 კილომეტრიანი შემოვლითი მგზავრობას, რომელიც მნიშვნელოვნად ზრდის გადაადგილების დროს, ჰაერის დაბინძურებასა და ვიბრაციას, ისევე როგორც ამცირებს მარშრუტების ხარჯეფექტიანობას. თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევამ, რომელიც მსოფლიო ბანკის დახმარებით ჩატარდა, მულტიკრიტერიუმიანი ანალიზის საშუალებით, გამოავლინა თბილისის ცენტრში არსებული რკინიგზის ხაზის ორ მხარეს (აღმოსავლეთ და დასავლეთ) შორის ახალი კავშირის შექმნის საუკეთესო ალტერნატივა - საზოგადოებრივი ტრანსპორტის პრიორიტეტის მქონე საავტომობილო ხიდი, დადიანის ქუჩასა და სადგურის მოედანს შორის. ქ. თბილისის მუნიციპალიტეტის მერია ფლობს თბილისის სატრანსპორტო გეგმით გათვალისწინებულ აღმოსავლეთ-დასავლეთის შეკავშირებულობის ალტერნატივების ანალიზის კვლევის საფუძველზე შექმნილ ანგარიშს, კონცეფციას. პროექტის მიზანი არის, ამ კონცეფციით განსაზღვრული, საავტომობილო ხიდის მშენებლობა.
აღნიშნული ობიექტი წარმოადგენს საავტომობილო ხიდს ქალაქ თბილისში, რომელიც დააკავშირებს სადგურის მოედანს დადიანის ქუჩასთან და იქნება 280 მეტრი სიგრძის, 8.5 მეტრი სიგანის სწორ მონაკვეთში, ხოლო 15 მეტრი სიგანის მოხვევის მონაკვეთში (ე.წ. სპირალი, რომელიც ეშვება სადგურის მოედანზე). ხიდი იქნება ორზოლიანი და დასავლეთით, სადგურის მოედანზე დაშვებისას, რამპას ექნება მარჯვნივ ჩამხვევი ზოლი. რკინიგზის დერეფნის კვეთისას აუცილებელია 7 მეტრიანი სხვაობა რკინიგზის ლიანდაგსა და ხიდის სტრუქტურას შორის. საავტომობილო ხიდი ითვალისწინებს 18 მეტრიანი ავტობუსების მართვის ტრაექტორიებს, მისი მაქსიმალური გრძივი ქანობი - 10.7%, ხოლო მინიმალური რადიუსი - 12 მეტრი. საავტომობილო ხიდის გამტარობა შერეული ნაკადების პირობაში იქნება 800 ავტომობილი ერთ საათში ერთი მიმართულებით", - ნათქვამია 2026 წლის ბიუჯეტის განმარტებით ბარათში.
წყარო: https://bm.ge
