,
გარემოს დაცვისა და სოფლის მეურნეობის მინისტრის მოადგილე კახა კაკაბაძე სამცხე-ჯავახეთის რეგიონში ტყის აღდგენის ღონისძიებებს ეროვნული სატყეო სააგენტოს ხელმძღვანელებთან ერთად ადგილზე გაეცნო. ბაკურიანის სატყეო უბანზე 123 ჰა-მდე ფართობი ტყის მართვის გეგმის საფუძველზე შეირჩა, სადაც ბუნებრივი განახლების ხელშეწყობის სამუშაოები მიმდინარეობს. ტყის აღდგენის პროექტი 2027 წელს დასრულდება.
ფართობი წარმოადგენს წარსულში უსისტემო ჭრებისგან დეგრადირებულ ნაძვნარ კორომებს, დაფარულია ბუჩქნარით, ეკალბარდით და ხშირი ბალახეული საფარით, რაც უმნიშვნელოვანესი ხელის შემშლელი ფაქტორია ნარგავების ზრდა-განვითარებისათვის. აქედან გამომდინარე, მაღალი სიხშირის ტყის კორომების მისაღებად, აუცილებელია ტყის ბუნებრივი განახლების ხელშემწყობი ღონისძიებების განხორციელება.
„ტყის მოვლისა და აღდგენის ღონისძიებების მასშტაბები ყოველწლიურად მზარდია. ეს ჩვენი პოლიტიკის ნაწილია. ეროვნული სატყეო სააგენტოს მიერ, 2024-2025 წლებში, სამუშაოები ქვეყნის მასშტაბით 4085.9 ჰა-მდე ფართობზე განხორციელდა. გრძელვადიანი გეგმის მიხედვით, 2030 წლისთვის ტყის აღდგენის სამუშაოებს, სულ მცირე, 20 000 ჰა ფართობზე განვახორციელებთ“, - აღნიშნა ეროვნული სატყეო სააგენტოს უფროსმა კახა ცერცვაძემ.
აშშ-სა და უკრაინის წარმომადგენლებმა აშშ-ის სამშვიდობო წინადადების განსახილველად ჟენევაში შეხვედრა გამართეს. მოლაპარაკებები კონსტრუქციული, ფოკუსირებული და პატივისცემის გამომხატველი იყო და ხაზი გაუსვა სამართლიანი და მდგრადი მშვიდობის მიღწევისადმი საერთო ერთგულებას, - ამის შესახებ აღნიშნულია ერთობლივ განცხადებაში, რომელიც შეერთებულმა შტატებმა და უკრაინამ გაავრცელეს.
განცხადების თანახმად, ორივე მხარე შეთანხმდა, რომ კონსულტაციები უაღრესად პროდუქტიული იყო.
„დისკუსიებმა აჩვენა მნიშვნელოვანი პროგრესი პოზიციების შეჯერებისა და შემდეგი ნაბიჯების მკაფიო განსაზღვრის მიმართულებით. კიდევ ერთხელ დაადასტურა, რომ ნებისმიერი მომავალი შეთანხმება სრულად უნდა იცავდეს უკრაინის სუვერენიტეტს და უზრუნველყოფდეს მდგრად და სამართლიან მშვიდობას. დისკუსიების შედეგად, მხარეებმა შეიმუშავეს განახლებული და დახვეწილი სამშვიდობო ჩარჩო“, - აღნიშნულია განცხადებაში.
მასში ხაზგასმულია, რომ უკრაინა და ამერიკის შეერთებული შტატები შეთანხმდნენ, რომ უახლოეს დღეებში გააგრძელებენ ინტენსიურ მუშაობას ერთობლივ წინადადებებზე.
„ისინი ასევე მჭიდრო კონტაქტში დარჩებიან ევროპელ პარტნიორებთან პროცესის წინსვლასთან ერთად. ამ ჩარჩოს ფარგლებში საბოლოო გადაწყვეტილებებს უკრაინისა და ამერიკის შეერთებული შტატების პრეზიდენტები მიიღებენ. ორივე მხარემ კიდევ ერთხელ დაადასტურა მზადყოფნა, გააგრძელონ ერთად მუშაობა მშვიდობის მისაღწევად, რომელიც უზრუნველყოფს უკრაინის უსაფრთხოებას, სტაბილურობას და რეკონსტრუქციას“, - აღნიშნულია განცხადებაში.
