აშშ-ის სახელმნწიფო მდივანმა, ენტონი ბლინკენმა და უკრაინის პრეზიდენტმა, ვოლოდიმირ ზელენსკიმ სატელეფონო საუბარი გამართეს. ინფორმაციას ამის შესახებ აშშ-ის სახელმწიფო დეპარტამენტი ავრცელებს.

„სახელმწიფო მდივანი ენტონი ბლინკენი უკრაინის პრეზიდენტ ვოლოდიმირ ზელენსკის ტელეფონით ესაუბრა. პრეზიდენტ ბაიდენის პრეზიდენტ პუტინთან მოლაპარაკებების წინ, სახელმწიფო მდივანმა კვლავ დაადასტურა შეერთებული შტატების ურყევი მხარდაჭერა უკრაინის სუვერენიტეტის, დამოუკიდებლობისა და ტერიტორიული მთლიანობის მიმართ რუსეთის აგრესიის ფონზე. მხარეები შეთანხმდნენ დონბასში კონფლიქტის მშვიდობიანი და დიპლომატიური გადაწყვეტის აუცილებლობასა და უკრაინის სუვერენიტეტის სრულად აღდგენაზე მის საერთაშორისოდ აღიარებულ საზღვრებზე, მათ შორის ყირიმზე“, - ნათქვამია სახელმწიფო დეპარტამენტის განცხადებაში.

აშშ-ისა და რუსეთის პრეზიდენტების ვიდეოსამიტი 7 დეკემბერს თბილისის დროით 19:00 საათზე დაიწყება. ორი ქვეყნის ლიდერები ერთმანეთს პირისპირ მხოლოდ ერთხელ - 2021 წლის ივნისში, ჟენევის სამიტზე შეხვდნენ.