,
საქართველოს რკინიგზის გენერალურმა დირექტორმა ლაშა აბაშიძემ აბრეშუმის გზის ფორუმზე სიტყვით გამოსვლისას აღნიშნა, რომ საქართველოს რკინიგზა ტვირთების სასაზღვრო პროცედურების გამარტივების და მათი სრულად გაციფრულების, ასევე, ქვიშხეთი-ხარაგაული-ზესტაფონის მონაკვეთზე ახალი სარკინიგზო ხაზის გახსნის შედეგად, საქართველოს გადაკვეთა სატვირთო მატარებლებს გაუმარტივდებათ.
"რკინიგზის მოდერნიზაციის პროექტის ფარგლებში 10 ხიდი და 6 გვირაბი დავასრულეთ, მათ შორის ყველაზე გრძელი 8-კილომეტრიანი გვირაბია. გავიყვანეთ სრულად ახალი სარკინიგზო ხაზი, რადგანაც ძველ ხაზს ჰქონდა შეზღუდვები - მატარებლებს დამრეც ფერდობზე უწევდათ ასვლა. იყო სხვა შემაფერხებელი ფაქტორებიც, რაც აღმოფხვრილია. მოდერნიზაციის პროექტი უკვე დასრულებულია. ვიწყებთ გადართვას ახალ ხაზებზე. დავიწყეთ სატესტო რეჟიმში შემადგენლობების გაშვება. მნიშვნელოვანია, რომ ამ პროცესის პარალელურად, მოვახდინოთ საბაჟო პროცედურების გაციფრულება. სისტემის სრული მოდერნიზაციის და მისი გაციფრულების შედეგად არსებული დროის მონაკვეთი, რაც საზღვარზე განბაჟების ჩათვლით 24 საათს შეადგენს, მნიშვნელოვნად უნდა შევამციროთ. შემდეგი წლიდან ამ დროს შევამცირებთ 12 საათამდე. ეს მთლიანად შუა დერეფნის განვითარებისთვის იქნება მნიშვნელოვანი,"- განაცხადა ლაშა აბაშიძემ.
აღსანიშნავია, რომ როგორც ცნობილია რკინიგზის მოდერნიზაციის პროექტი 2025 წლის ბოლოს უნდა დასრულდეს, რაც ქვიშხეთი-ხარაგაული-ზესტაფონის მონაკვეთზე ახალი ხაზის გახსნას ითვალისწინებს.
ირანის ხელისუფლებამ შუამავლებისგან აშშ-ის სამშვიდობო შეთანხმების პუნქტების ჩამონათვალი მიიღო, რომელთა განხილვას იწყებს. ინფორმაციას BBC ავრცელებს.
„ჩვენ შუამავლების მეშვეობით აშშ-გან მივიღეთ პუნქტები და მათ განვიხილავთ“, - ციტირებს BBC ირანის საგარეო საქმეთა სამინისტროს ერთ-ერთ მაღალჩინოსანს.
როგორც ბრიტანული ტელეარხის CBS-ზე დაყრდნობით წერს, აღნიშნული წარმოადგენს მოლაპარაკებების წინა ეტაპს და ამ მომენტისთვის დიალოგი მხარეებს შორის ჯერ არ იმართება.
ცნობისთვის, გუშინ აშშ-ის პრეზიდენტმა, დონალდ ტრამპმა განაცხადა, რომ აშშ-მა და ირანმა ომის დასრულების შესახებ მოლაპარაკებები გამართეს, თუმცა ირანული მხარე ამას უარყოფს.
