,
ავღანეთში მიწისძვრის შედეგად დაღუპულთა რიცხვმა 2 200-ს გადააჭარბა. ინფორმაციას ამის შესახებ სააგენტო Reuters-ი ავრცელებს.
„თალიბანის“ ადმინისტრაციის განცხადებით, მიწისძვრით დაზარალებულ მთიან აღმოსავლეთ რეგიონებში სამძებრო ოპერაციები გრძელდება.
მათივე ცნობით, დაღუპულთა რიცხვმა 2 205-ს მიაღწია, ხოლო დაშავებულია, სულ მცირე, 3 640 ადამიანი.
კვირას, 6 მაგნიტუდის სიმძლავრის პირველმა მიწისძვრამ, რომელიც ავღანეთში ბოლო წლების ერთ-ერთი ყველაზე მომაკვდინებელი იყო, ფართომასშტაბური ზიანი და ნგრევა გამოიწვია ქუნარისა და ნანგარჰარის პროვინციებში.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
