,
ავღანეთის მთავრობამ 12 წელზე უფროსი ასაკის სკოლის მოსწავლე გოგონებს საზოგადოებრივ ღონისძიებებზე სიმღერა აუკრძალა.
ავღანეთის ხელისუფლების გადაწყვეტილებით, გოგონებს სიმღერა იმ ღონისძიებებზე შეეძლებათ, რომლებსაც მხოლოდ ქალები დაესწრებიან.
ავღანეთის განათლების სამინისტროს ინფორმაციით, გადაწყვეტილება ქვეყნის ყველა პროვინციაზე გავრცელდება.
ქვეყნის მთავრობაში აცხადებენ, რომ აღნიშნული გადაწყვეტილება მოსწავლეების და მშობლების ინიციატივების შემდეგ მიიღეს. ადგილობრივი მედიის ინფორმაციით, სკოლის მამაკაც მასწავლებლებს ასევე ეკრძალებათ სკოლის მოსწავლე გოგონების სწავლება.
აღნიშნულ გადაწყვეტილებას სოციალური მედიის პლატფორმებზე უკმაყოფილება მოჰყვა და მთავრობის გადაწყვეტილება კრიტიკოსებმა თალიბანის იდეოლოგიას შეადარეს. ამ გადაწყვეტილების სასარგებლოდ სხვა მომხმარებლებმა გამოაქვეყნეს წერილები, რომ შესაძლოა მშობლებმა განაცხადეს შევიწროების შესახებ და მოითხოვდნენ მათი შვილების დაცვას.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
