,
სოციალურ ქსელებში ატმის ხელოვნურად შეღებვის ამსახველი კადრების გავრცელებას სურსათის ეროვნული სააგენტოს რეაგირების ფარგლებში, ფაქტზე იდენტიფიცირებულია გურჯაანის მუნიციპალიტეტის სოფელ ჩუმლაყში მცხოვრები ფიზიკური პირი (გ.უ.).
ატმის შეღებვის ვიდეოში მონაწილე პირები გურჯაანის პოლიციამ გამოკითხა. ასევე, ინციდენტის ადგილზე, იმყოფებოდნენ სურსათის ეროვნული სააგენტოს წარმომდგენლები, სადაც მათ ფერმერებისგან ის პროდუქტი ამოიღეს და დალუქეს , რომელიც მეპატრონის მტკიცებით, დაზიანებული იყო და არა რეალიზაციისთვის, არამედ სოციალურ ქსელში განსათავსებლად ხუმრობის მიზნით გამოიყენეს.
თავად ვიდეოს ავტორები აცხადებენ, რომ ატამი „ტიკ-ტოკზე“ განთავსების მიზნით შეღებეს, რომელიც ვიდეოს გადაღების შემდეგ გადაყარეს.
"წლებია ამ სფეროში ვართ. ფერმერები ვართ და ატმის ბაღები გვაქვს. მოკრეფილი ხილი ხარისხდება და ირჩევა. დაზიანებული ხილი კი იყრება. სწორედ ასეთი დაზიანებული ხილი ხუმრობის მიზნით შევღებეთ და ხალხმა ცუდად მიიღო. ცუდი ხუმრობა გამოვიდა.არ გვეგონა, თუ ასეთი რეაქცია მოჰყვებოდა, თორემ ყველამ იცის, რომ მომწიფებულ ატამს ისედაც წითელი ფერი აქვს", - ამბობს გიორგი უტიაშვილი (ვიდეოს ავტორი).
ცნობისთვის, სოციალუს ქსელში გავრცელდა ვიდეო, სადაც ჩანს, რომ რეალიზაციისთვის გამზადებულ ატამს პულივიზატორით ღებავენ.
სურსათის ეროვნული სააგენტოს კახეთის რეგიონული სამსახურის ინსპექტორებმა, შინაგან საქმეთა სამინისტროს წარმომადგენლებთან ერთად, მოკვლევის ფარგლებში ატმის ნიმუშები აიღეს. უწყებაში აცხადებენ, რომ ნიმუშები ლაბორატორიულ კვლევას გაივლის, რომლის შედეგებიც საზოგადოებისთვის ხელმისაწვდომი იქნება.
სააგენტო ხაზს უსვამს, რომ მოსახლეობის უსაფრთხო სურსათით უზრუნველყოფის მიზნით, უწყება რეგულარულად ამოწმებს ბაზარზე არსებულ სხვადასხვა სახის პროდუქტს. სპეციალისტების მიერ სისტემატურად ტარდება მონიტორინგი ხილზე, ბოსტნეულსა და ბაღჩეულზე. მათ შორის, მოწმდება პესტიციდების, მძიმე მეტალების, რადიონუკლიდებისა და ნიტრატების შემცველობა.
კვლევის შედეგების გაცნობა საჯაროდ შესაძლებელია როგორც მედიასაშუალებებით, ისე სააგენტოს ვებგვერდზე — nfa.gov.ge.
