,
აშშ-ის ჯორჯიის შტატის ქალაქ ატლანტაში, მომიტინგემ ისრაელის საკონსულოს წინ თავი დაიწვა, - ამის შესახებ ინფორმაციას ატლანტის პოლიცია ავრცელებს.
„ჩვენ გვჯერა, რომ ეს იყო უკიდურესი პოლიტიკური პროტესტის გამოხატვის აქტი. გვჯერა, რომ შენობა უსაფრთხოდ რჩება და აქ სხვა საფრთხეს ვერ ვხედავთ“, - განაცხადა ატლანტის პოლიციის უფროსმა, დარინ შირბაუმმა.
ქალაქ ატლანტის პოლიციის ცნობით, მომიტინგე, რომელსაც თან პალესტინის დროშა ჰქონდა, კრიტიკულ მდგომარეობაშია. სიტუაციის განეიტრალების დროს საკონსულოს დაცვის თანამშრომელიც დაშავდა.
აშშ-ის გამოძიების ფედერალური ბიურო აცხადებს, რომ მომხდართან დაკავშირებით ადგილობრივ სამართალდამცავ ორგანოებთან ერთად მუშაობს.
18-თვიანი მოლაპარაკებების შემდეგ დამასკომ და მოსკოვმა ხელი მოაწერეს მემორანდუმს სირიაში რუსეთის ყოფნის რეორგანიზაციის შესახებ. შეთანხმების მიხედვით სამოქალაქო ობიექტები, მათ შორის ჰამეიმიმის აეროპორტი და ტარტუსის პორტის ნავმისადგომი, სირიის მართვაში გადავა, ხოლო სამხედრო ბაზები ერთობლივ საწვრთნელ ცენტრებად გარდაიქმნება.
შეთანხმება ძალაში სამი თვის განმავლობაში შევა.
