რას გვირჩევენ ვარსკვლავები 9 იანვრისთვის:

ვერძი (21 მარტი - 20 აპრილი)

გარშემომყოფები თქვენგან ძალიან ბევრს ელიან, მაგრამ აუცილებელი არ არის, რომ სხვების სურვილებით იხელმძღვანელოთ. ისე მოიქეცით, როგორც საჭიროდ მიიჩნევთ. შესაძლოა, მოვლენები თქვენი გეგმის მიხედვით არ განვითარდეს, მაგრამ მალე სიტუაცია უკეთესობისკენ შეიცვლება. მომდევნო რამდენიმე დღე რთული იქნება, ამიტომ პრობლემებთან გამკლავებისთვის წინასწარ უნდა განეწყოთ.

 კურო (21 აპრილი - 21 მაისი)

პლანეტების ხელსაყრელი განლაგება და მიზანსწრაფულობა საშუალებას მოგცემთ, ისეთი საკითხები გადაჭრათ, რაც აქამდე შეუძლებელი გეჩვენებოდათ. დროა, პროფესიონალ ადამიანებს მოუსმინოთ და მათი რჩევები გაითვალისწინოთ. გირჩევთ, ამ დღეს დაწყებული საქმე სამომავლოდ არ გადადოთ და დროულად დაასრულოთ.

ტყუპები (22 მაისი - 21 ივნისი)

მოზღვავებული ენერგია საშუალებას გაძლევთ, მთელი დღე მოვლენების ცენტრში იტრიალოთ და ახალი სასარგებლო ურთიერთობები დაამყაროთ. ნუ დამალავთ საკუთარ ნიჭს და უნარებს. პირიქით, ეცადეთ, საჯაროდ გამოავლინოთ და პოტენციური პარტნიორების ყურადღება მიიქციოთ. სწორად დაგეგმილი დღე დამატებითი შემოსავლის მიღებაში დაგეხმარებათ.

კირჩხიბი (22 ივნისი - 22 ივლისი)

პიროვნული ხიბლი და კომუნიკაბელურობა მიზნის სწრაფად და მარტივად მიღწევაში დაგეხმარებათ. ეცადეთ, ეს დღე პროფესიული პრობლემების მოგვარებისა და კარიერული მდგომარეობის გასაუმჯობესებლად გამოიყენოთ. თუნდაც რაღაც პირველ ცდაზე არ გამოვიდეს, ვარსკვლავები გირჩევენ, უკან არ დაიხიოთ და მიზანს აუცილებლად მიაღწევთ.

ლომი (23 ივლისი - 23 აგვისტო)

წარმატებული და ყოველმხრივ ხელსაყრელი დღეა. სავარაუდოდ, დიდი ხნის ოცნება აგიხდებათ ან რაღაც რთულ საკითხში ძალიან გაგიმართლებთ. ვარსკვლავების კეთილგანწყობის მიუხედავად, გირჩევთ, ამ დღეს ახალი, რთული პროექტი არ დაიწყოთ და მოვლენები არ დააჩქაროთ.

ქალწული (24 აგვისტო - 23 სექტემბერი)

მშვენიერი დღეა ადრე დაწყებული და დაუსრულებელი საქმეების დასასრულებლად, მით უმეტეს, რომ ვარსკვლავების განლაგება სასურველ შედეგს უზრუნველყოფს. რთულ სიტუაციებში ინტუიციას ენდეთ, თუმცა მხოლოდ ინტუიციის იმედად არ უნდა იყოთ - ეცადეთ თავი დაიზღვიოთ.

სასწორი (24 სექტემბერი - 23 ოქტომბერი)

ვარსკვლავები გირჩევენ, რომ ამ დღეს ყოველგვარ რისკს მოერიდოთ და მხოლოდ ნაცნობი საქმიანობით დაკავდეთ. მოერიდეთ დამატებითი პასუხისმგებლობის ან ინიციატივის აღებას და ეცადეთ, საკუთარი შესაძლებლობები ობიექტურად შეაფასოთ.

მორიელი (24 ოქტომბერი - 22 ნოემბერი)

ყველაფრის ერთდროულად გაკეთების სურვილმა შეიძლება ჯანმრთელობასთან დაკავშირებული პრობლემები გამოიწვიოს. ეცადეთ, დასვენების დრო გამონახოთ და უარი თქვით ნებისმიერ სტრესზე. საყვარელ ადამიანებთან ურთიერთობა დაგეხმარებათ, ემოციურად დაისვენოთ და საღამო მშვიდად გაატაროთ.

მშვილდოსანი (23 ნოემბერი - 21 დეკემბერი)

ნაყოფიერი მუშაობისთვის ამ დღეს მოკავშირეები გჭირდებათ. ინტუიცია გიკარნახებთ, საქმეში ვის უნდა დაეყრდნოთ და ვისი ნდობა არ შეიძლება. კარგი დღეა წარსული შეცდომების გამოსასწორებლად. ხელიდან არ გაუშვათ შესაძლებლობა, რომ ძალიან მნიშვნელოვან ადამიანებს თავი მოაწონოთ.

თხის რქა (22 დეკემბერი - 20 იანვარი)

ამ დღეს ცდუნებებთან ბრძოლა მოგიწევთ. ეცადეთ სიმტკიცე გამოიჩინოთ და მთელი ყურადღება საკუთარ პასუხისმგებლობებზე გადაიტანოთ. სანამ საინტერესო შეთავაზებას დათანხმდებით, მოსალოდნელი რისკი და შედეგი გათვალეთ.

მერწყული (21 იანვარი - 18 თებერვალი)

ფინანსურ საკითხებში სიფრთხილე უნდა გამოიჩინოთ. მოერიდეთ ფულის დაბანდებას - ვარსკვლავების განლაგება ამისთვის არახელსაყრელია. ამ დღეს წარმატებას მოგიტანთ ისეთი საქმე, რომელშიც შემოქმედებითი მარცვალია. მთავარია, საკუთარ წარმოსახვას ხელოვნური წინაღობა არ შეუქმნათ.

თევზები (19 თებერვალი - 20 მარტი)